(حبيتك لإلتزامك) قصيده جميله جدا

 
بوابةالرئيسيةأحدث الصورالتسجيلدخول

منتديات فارس أون لاين :: كل ما يتعلق بالمنتدي :: أخبار المنتدي و قوانينة ::   :: منتديات الثقافة و الشعر الأدبي ::   :: شعر - قصائد - همس القوافي

 
شاطر
بيانات كاتب الموضوع
(حبيتك لإلتزامك) قصيده جميله جدا
كاتب الموضوعرسالة
المعلومات
الكاتب:
اللقب:
رئيس المنتدي
الرتبه:
رئيس المنتدي
الصورة الرمزية
 
سيف العدالة

البيانات
ذكر
عدد المساهمات : 2661
نقاط : 99840
التقيم : 72
تاريخ الميلاد : 21/03/1995
تاريخ التسجيل : 17/07/2009
العمر : 29
الموقع : https://faresonline.yoo7.com/
الأوسمة : (حبيتك لإلتزامك) قصيده جميله جدا 78c57f10
 
 

 

التوقيت

الإتصالات
الحالة:
وسائل الإتصال:
https://faresonline.yoo7.com

 

موضوع: (حبيتك لإلتزامك) قصيده جميله جدا (حبيتك لإلتزامك) قصيده جميله جدا Emptyالسبت يناير 21, 2012 12:43 am






حبيتك لإلتزامك . . . . . حبيتك لاحترامك

حبيت فيكي التواضع . . . . .والعزة اللي ف كلامك

مبســـوط منك لأنك . . . . .إســـلامك كل همــــك

أنـــا أصلي قابلت بابا . . . . . واداني فكــــرة عنك

وســـألته عن طباعك . . . . . إن كانت يعني هاديــة

فحكالي عن سمـاعك . . . . . لكلامه وانت راضية

وازاي بتسلي نفســــك . . . . .بذكــرك وانت فاضية

وحلاوة صوت تلاوتك. . . . . .وإزاي بتكوني شاديه





وسألته إن كنتي فاهمة . . . . معنى كلمة زوجين

قالي هتكونوا ورقـــة . . . . . . مطبـوعة نسختين

غنـي كنت أو فقيــر . . . . . . ليك عند بنتي ديـــن

سرك هيكون في بير . . . . . معرفش مكانه فيــــن

تفضل دايماً كبيـــر . . . . . . . في نظرها حبتيــن

لو جيت بفلوس كتيــر . . . . . تطمن جت منيــــن




هتكون دايماً معاهــا . . . . . . سيرتك هتكون هواهــا

والشوق اللي فـ خيالك . . . . .. . . تلقــاه لحظة لقاهــا

لو جيت زعلان ف مرة . . . . . . . إرمي همومك وراها

ومهمــا شوفـــت بـــره . . . . . . مش هتشوف مستواهـــــا

واطمــن يابني خـــالص . .. . . . عقـلها مافيهوش تفـــــاهــة

وزي مــا هــي بنتـــــي . . . . . .. بنت حماتهـــا وحماهـــا




وســألته عن ولادي . . . . . . . . منك هيكونوا إيــــه؟

قاللي هيكونوا عــادي . . . . . . . فسألته يعني إيــــــه؟
قاللي العادي إللي كان . . . .. . . . عند الناس من زمـان

العادي بتاع ســــراقة . . . . . .. . . وحذيفة بن اليمــــان

العادي بتاع أســـــامة . . . . .. . . وابن الحكيم لقمـــــان



ده العادي بتاعنا إحنا . . .. . . . . بنربي عليه عشان

لو جينا ولا رحنـــــــا . . . . . . هنقابل الرحمــــــــــن

عمرك ما تخاف عليهم . . . . . . . . ولادك في الأمان

أنا بنتي هتربيهـــــم . . . . .. . . ع السنة والقــــــــرآن

هتشـوف ابنك بيصحى . . . . . . . مادام سمـــع الأذان

ينزل في الفجر يقــرا . . . . . .. . . بالسجدة والانسـان

هتشوف في حجاب بناتك . . . . . . . . العفة والإحسان

هتشوف إزاي مراتــك . . . . .. . . هتعينك إنت كمــان




وسألته عن حياتــك . . . . . . . من قبل الالتـــــزام

قال أتذكر في ليلة . . . . . . . . مش فاكر أنهي عام

أذان الفجــــر أذن . . . . . . . وقالتلي سيبني أنـــــام

فدخلت الأوضه جوه . . . . . . .. . أجيب منها الحزام

وعبال ما رجعت تاني . . . . .. . . كات رجعت ف الكلام

الله يجازي الشيطــــان . . . .. . خلاها تقول نـــــــــام

بس اطمـــــن خلاص . . . . . دلوقتي بقت تمــــــــــام


قدملي مكة كـــــولا . . . . . . . . قاللي اتفضل وسمي

أحسن من سكة كولا . . . . . . . . صدقني وخدها مني



قلتله طيب ياعمي . . . . . . . يسعدني أقولك إنــــــي

بطلب بنتك ونفسي . . . . . . . تناسبني وترضى عني

راح شادد فجأه لبسي . . . . . . وقلب وشه وسألنـــــي



حافظ كم جزء يابني . . . . . . . . وقاري كم كتاب

احكيلي كده عن مؤت . . . . . . أوغزوة الأحزاب

وسمع كم حديث . . . . . . . . في الأخذ بالأسباب

وكمان سمعلي آيه . . . . . . . ذكرت فيها الدواب

ولو شايفها صعبة . . . . . . . . قللي بتاعة الذباب

واحكيلي حلم يوسف . . . . . . . . وبراءة الذئاب

واخواته لما جولوه . . . . . . . دخلوا من أنهي باب

واديني فكرة برضه . . . . . .. . بتقبض كم ثواب

وناوي ازاي تحسن ..............أنا شايفك لسه شاب

وسأل نفسه وسألني . . . . . . . . هيعوز إيه يعني مني؟

لو عندي كل حاجـــه . . . . . . . وديني مش شاغلني

أحسن لك تنسى بنتي . . . . . . . ومهرك مش لازمني

قلتله صبرك ياعمــي . . . . . . . . وبراحتك امتحنــي

يبقى اما أسأل تجــاوب . . . . . خليك دايماً فاهمنـــــي

سألتك وانت ســـــاكت . . . . . . . . خليتني أظن ظـني

وفضل يسأل واجاوب ... . . . . وعشان خاطرك عصرني

وظهرت النتيجــــــة . . . . . . . .. وبفضل الله قبلنـــــــي




قاللي مقبول في نظري . . .. . . . مبروك عليك ياسيدي

لكن في نظرها هــــي . . . . . . . . نجاحك مش بإيــدي

وهي زمانها راجعة . . . . . . . . من تمرين السويـــــدي

خليك قاعد شويــــــة . . . . . . . . .استنا لما تيجــــــــي

هعملك من إيديـــــــا . . . . . . . كباية شاي صعيـــــــدي



سابني وقعدت أفكر . . . . .. . . . هل ممكن ترفضيني

طاب قولي حتى أفكر . . . . . . . . مش يمكن تفهميني

وفضل مخي يلاعبنــي . . . . . . . . يجيبني ويودينـــي

وخايف م المقابلــــة . . . . . . . . .مرعوب بينك وبيني

ودق الباب في ثانيــــة . . . . . . . وشوفتك مرة تانيـــة

مش قادر أنسى يومهـــا . . . . . . . . وفاكر كل ثانيـــة




ونده والدك عليكــــي . . . . . . . عشان أول لقــــــاء

دخلتي وشوفت وشك . . . . . . . . . عليه نور الحياء

نور والله فعـــلاً . . . . . . . . مش نور بودرة وزواء

كان أول مرة أخــــاف . . . . . . من فتنة النســــــــاء

أخلاقك مش عـــــــادية . . . . . وجمالك كان شفـــــاء




قعدتي جنب والـــدك . . . . . . . . وسألتيني وجاوبتــــك

وفكل مرة أجــاوب . . . . . . . . كنت باشوف ابتسامتــك

ف أقول من جوه نفسـي . . . . . . . . يارب أكون عجبتك

وبعد شوية قمتــــــي . . . . . . . ندهت عليكي مامتــــــك

ورحتي دخلتي جــــوه . . . . . . . وراح وراكي والـــدك

وانا قلــت مش مروح . . . . غير لما أكون خطبتــــــــــك




وابوكي جاني تانــي . . . . . . . . وقرب من وداني

لابس كرفته ســـوده . . . . . . . . وبدله لون فرانــي

المنظر يعني كلــــه . . . . . . . . ميدلش ع التهانــي

قلتله مالك ياعمـــي . . . . . . من فضلك قول عشانـي

عرقي غرقلي كمـــي . . . . . . . سايبني ليه أعانـــي

قاللي مستني إيــــــه . . . . . . . فين إيدك إديهـــانـي

البنت مش موافقـــــة . . . . . . . تتجوز حد تانــــــي



كان أول مرة أعرف . . . . . . . . إزاي الناس بتفرح

سعادتي كات غريبــة . . . . . مش ممكن هقدر أشــرح

من كتر حبي ليكـــي . . . . . . نويت أضحي وادبــــح

رحت اشتريت خروف . . . . . . وكان خروف بينطح

ده أخيراً هبقى جــوزك . . . . وشجرة صبري تطــرح




خطوبتنا كات بسيطة . . . . . . . . مكانش فيها زيطة

وفرحنا كان في جامع . . . . . . . يعني مش خلطبيطة

ومامتك جت في يومها . . . . . . ورقعت كام سويطة

هاتولي بنتي منــه . . . . . . . دي مش فاهمة العبيطة

إنه هيخطفها منـــــي . . . . . . وهتوحشني الغتيتــــة




صعبت عليا مامتك . . . . . . . . . الموقف كان شديد

لكن فعلاً خطفتـــــك . . . . . . . ورحنا مكان بعيـــــد

فاكرة ولا انتي ناسية . . . . . . . أكيد فاكرة أكيـــــــد

من يوم ما بقيتي زوجتي. . . . . . وانا متهني وسعيــد

معايا ف كل يـــــــوم . . . . . . . ويوم لؤاكي عيــــد

عمرك ما دقتي نــوم . . . . . . وانا تعبان أو مريــض

فلوسي كات بتكتــــر . . . . . . . والخير عندك يزيـد

وعامله ليه دفتـــــــر . . . . . . . ومرتبه المواعيــــد

وبفضل الله قدرتــــــي . . . . . . . وجبتيلي الوليــــد

وبعديها بشويـــــــة . . . . . . . . جبتيلنا عليه يزيــد

وبعديه جت سميـــــة . . . . . وآخرهم كان حميــــــد



بدعيلك كل يوم . . . . . . . . . وأفضل أعيد وازيد

ربيتي عيالي دول . . . . . . . . ع القرآن المجيــــد

طول عمرك وانتي صافية . . . . . قلبك لون الجليـد

أخلاقهم مش عادية . . .. . . . . طلعنلك مش بعيــد

وليد دلوقتي ضابط . . . . . . . ومعاه رتبة عقيــــد

ودعوة قلبي صابت . . . . . . . ويزيد أهو مات شهيد

وبنتك صيدليـــــة . . . . . . . . . وحميد أصبح معيد

الله برحم أبوكي . . . . . . .. . راجل من نوع فريد

كل اللي قاله فيكــــي . . . ... . أنا عشته بالتحديــــد





عشت معاكي ف حكاية . . . . .. . أحلى وأجمل رواية

حكايتي كات معاك . . . . . .. . . وحكايتك كات معايا

اديتك كل عمري . . . . . . . . . وهمك كان رضايـــا

وعمرك خدته منك . . . . . . . . . وقربك كان دوايـــا

وخلاص العمر راح . . . . .. . . . راحت أيام صبايـــا

ومسافر رحله صعبة . . . . . . . وزادي مش كفايــــــه

مش عاوز أشوف دموعك . . . . . . بالذات ف يوم عزايا

أنا عارف إنتي عارفة . . . . . . إن الموت مش نهايـــــة

دي لسة الرحلة طالعة . . . . . . والموت خط البدايــــــة

إدعيلي يمكن أوصــــــل . . . . . . . وأشوف هناك حمايا

أنا عارف إنه فيهـــــا . . . . . . . محجوزله هناك سريــر




وسلامي في النهاية . . . . . . . أنا خلصت الحكاية

لو يوم فكرتي فيه . . . . . . إقري شعري وغنايا

وأمانه ف كل مرة . . . . . . تدعي لي بالهداية

عسى ربي بدعائك . . . . .. يغفر ليا الخطايا



منقــــــــــــــــــــــــول















 الموضوع الأصلي : (حبيتك لإلتزامك) قصيده جميله جدا //   المصدر : منتديات فارس أون لاين // الكاتب: سيف العدالة


المعلومات
الكاتب:
اللقب:
مراقــب عام
الرتبه:
مراقــب عام
الصورة الرمزية
 
راعي الفضيلة

البيانات
البلد : كل بلاد الاسلام اوطاني
ذكر
عدد المساهمات : 323
نقاط : 68273
التقيم : 11
تاريخ الميلاد : 25/01/1996
تاريخ التسجيل : 18/08/2012
العمر : 28
العمل/الترفيه : طالب الحسنات
 
 

 

التوقيت

الإتصالات
الحالة:
وسائل الإتصال:

 

موضوع: رد: (حبيتك لإلتزامك) قصيده جميله جدا (حبيتك لإلتزامك) قصيده جميله جدا Emptyالإثنين سبتمبر 03, 2012 7:53 pm






قصيدة جميلة جدا
شكرا

لكن بالطبع تحتوي على جزئية لا يجب المرور عليها مرور الكرام
إدعيلي يمكن أوصــــــل . . . . . . . وأشوف هناك حمايا

أنا عارف إنه فيهـــــا . . . . . . . محجوزله هناك سريــر


لانه كان يجب ان يقول باذن الله مثلا
او ماشابه ولكن على كل
قصيده جميله
















 الموضوع الأصلي : (حبيتك لإلتزامك) قصيده جميله جدا //   المصدر : منتديات فارس أون لاين // الكاتب: Ø±Ø§Ø¹ÙŠ الفضيلة


(حبيتك لإلتزامك) قصيده جميله جدا

استعرض الموضوع التالي استعرض الموضوع السابق الرجوع الى أعلى الصفحة

مواضيع مماثلة

-
» قصيده من ...
» هذه قصه جميله جدا عن سيدنا محمد فى شهر رمضان - بصيغة mp3 .
» ::قصيده مؤثره للشيخ العجمي في رثاء والدته::
» اجمل قصيده قيلت في رسول الله " عليه الصلاة والسلام "
» بعد موتي احضري ليلة رحيلي,,شاركيهم في غسيلي,,لاتغيبي(قصيده ابكتني)


الكلمات الدليلية (Tags)
لا يوجد


الــرد الســـريـع
..

هام جداً: قوانين المساهمة في المواضيع. انقر هنا للمعاينة
الرد السريع

خــدمات المـوضـوع
 KonuEtiketleri كلمات دليليه
(حبيتك لإلتزامك) قصيده جميله جدا , (حبيتك لإلتزامك) قصيده جميله جدا , (حبيتك لإلتزامك) قصيده جميله جدا ,(حبيتك لإلتزامك) قصيده جميله جدا ,(حبيتك لإلتزامك) قصيده جميله جدا , (حبيتك لإلتزامك) قصيده جميله جدا
 KonuLinki رابط الموضوع
 Konu BBCode BBCode
 KonuHTML Kodu HTMLcode
إذا وجدت وصلات لاتعمل في الموضوع او أن الموضوع [ (حبيتك لإلتزامك) قصيده جميله جدا ] مخالف ,, من فضلك راسل الإدارة من هنا
>




مواضيع ذات صلة


(حبيتك لإلتزامك) قصيده جميله جدا Cron
تصميم منتديات فارس أون لاين

منتديات فارس أون لاين

منتديات فارس أون لاين

منتديات فارس أون لاين

منتديات فارس أون لاين

منتديات فارس أون لاين

منتديات فارس أون لاين