		منتديات فارس أون لاين :: :: :: الأقسام الفرعيه :: :: المنتدي العام :: قسم المسلسلات المقروءه
مسلسل صرخة ازهرى (متجدد)

مسلسل صرخة ازهرى (متجدد)

منتديات فارس أون لاين :: :: :: الأقسام الفرعيه :: :: المنتدي العام :: قسم المسلسلات المقروءه

شاطر

بيانات كاتب الموضوع

مسلسل صرخة ازهرى (متجدد)

كاتب الموضوع

رسالة

المعلومات
الكاتب:	ديني عصمــة أمــري
اللقب:	نائب المدير
الرتبه:
الصورة الرمزية

البيانات
البلد :	مصر

عدد المساهمات :	2415
نقاط :	94549
التقيم :	23
تاريخ الميلاد :	04/05/1998
تاريخ التسجيل :	03/09/2010
العمر :	26
العمل/الترفيه :	جمع الحسنات ورضا رب السماوات
الأوسمة :

التوقيت

الإتصالات

الحالة:

وسائل الإتصال:

موضوع: مسلسل صرخة ازهرى (متجدد)

الثلاثاء سبتمبر 11, 2012 12:39 am

السلام عليكم ورحمة الله وبركاته

مقدمة لسلسلة روايات عن قصة معانآة طالب أزهري !

صلى والدي الجمعة يوماً ، وبعد استماعه لخُطبة هزتهُ وهزت أرجآء المسجد كاملاً وراح

الناس يُحيُّون الخطيب على خُطبته ويسألونه في أمور دينهم ودنياهم...

طرأت على بال أبي فكرة تخصُ مصيري ..

رآها عبقرية هو أما أنا ،،،فقد تروي الأحداث وجهة نظري الخاصة في الفكرة ، إحساس

أبي أن حلمه سيتحقق بتلك الفكرة .. وسيرى ولده في مثل هذا المشهد يوماً ..

دفعه لأن يرسم لي ذاك الطريق ويدفع بي لتلك الرحلـة الطويلـة ..

حلمه بأن يراني في هذا المشهد يوماً ..

أن يرى ولده شيخاً بليغ الكلمآت .. قوي الخطاب .. عالِم يقدره الناس ويبحثون في علمه

وعقلهِ الراجح عما غاب عنهم من أمور دينهم ودنياهم جعل تلك الفكرة محسومة و تلك

الرحلـة محتومة ..

ومنذ ذلك اليوم وأنا اتساءل هل كان دخولي لتلك الحيـاة بالقدم اليسرى أم هي مجرد

عثرات طبيعية يمر بها كلُ من اختار ان يكون لقبهُ ""أزهري"" !!

يتبع .......

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: ديني عصمــة أمــري

ديني عصمــة أمــري ; توقيع العضو

لشكاوى العامه اضغط هنا

الابلاغ عن مواضيع مخالفه من هنا

لترشيح لفريق الاشراف اضغط هنا

لمراسلة الادارة و طلبات الدعم اضغط هنا

المعلومات
الكاتب:	ديني عصمــة أمــري
اللقب:	نائب المدير
الرتبه:
الصورة الرمزية

البيانات
البلد :	مصر

عدد المساهمات :	2415
نقاط :	94549
التقيم :	23
تاريخ الميلاد :	04/05/1998
تاريخ التسجيل :	03/09/2010
العمر :	26
العمل/الترفيه :	جمع الحسنات ورضا رب السماوات
الأوسمة :

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الثلاثاء سبتمبر 11, 2012 12:46 am

السلام عليكم ورحمة الله وبركاته

أول يوم دراسة :

والدتي راحت تقدملي في المدرسة وعلى مااتذكر كنت ساعتها تعبان والجو كان حر

اوووي ومع ذلك كنت لازم اروح معاها عشان امتحان القبول .. وعشان حظي طلعت

صغير وهعمل “أزمة في الفصل” .. ازمة فى فصل اتقبل فيه لحد دلوقتى 60 طالب ..

اسألوني ليه ؟؟ عشان انا اقل من السن المحدد بأسبوعين .. وفعلا حصلت مشكلة

وسعادة الناظر مكانش راضي يقبلني .. وبعد عذاب طويل وتعب من والدي اللي

مااستسلمش بسهولة عشان الأحلام اللي كان شايفهالي … المهم انه فضل يدور ع

طريقة لحد ما الناظر قاله هات 500 جنيه تبرعات ودخلني بيها فعلاً ومن يومها والدي كان

مبسوط جداً و قاللي اني لو حفظت جزء عم كامل هيجيبلي عجلة .. وفضل يحفظني

فعلاً ويوديني حلقة تحفيظ في المسجد علشان الآيات تكون سهلة لما اخدها فى

المدرسة .. وجه أول يوم دراسة وبدأت رحلـة النضال … صحيت الصبح بدري كنت مبسوط

اوي فضلت مستني يوم الدارسة ده كتير .. والدي اداني مصروفي وماما كانت خلصت

الساندويتشات وبتحطهالي في الشنطة اللي كنت محضرها بنفسي .. وروحنا المدرسة

وإذ فجأة عمو ( سمير البواب ) بيقول لماما رايحة فين يامدام ممنوع الدخول لو سمحتي

سيبي ابنك وروحي انتي والمدرسة هتاخد بالها منه ..!! وعشان مكانش فيه حل تاني

وعشان تسكتني ادتني مصروف تاني وخدته وجريت وجت مدرسة الفصل ودتني على

طابوري فعلا وسابتني مع “الوحوش” اللي كانوا زى كتيبة الاعدام !! .. وقفت في

الشمس مش سامع غير زن وصريخ العيال اللي بتعيط وهما واخدين نص مساحة

المدرسة اما انا بقى من ساعة ما اخدت النص جنيه وانا ساكت ومبعيطش زيهم كنا

واقفين فى شئ يشبه الطابور .. طويل .. عريض واعدادنا كبيرة بشكل رهيب يمكن لو

دخلوا فلسطين كانوا حرروها !! .. واخيررررررا اتحكم علينا باالافراج وهنطلع العنابر ..

اقصد الفصول .. وانا كان عندي تفاؤل رهييييييييب .. اصلى مكنتش اعرف الحقيقة المرة

اللي مستنياني فوق

يتبع..........

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: ديني عصمــة أمــري

ديني عصمــة أمــري ; توقيع العضو

عدل سابقا من قبل ديني عصمــة أمــري في الأربعاء سبتمبر 12, 2012 4:06 am عدل 1 مرات

المعلومات
الكاتب:	Ø±Ø§Ø¹ÙŠ Ø§Ù„ÙØ¶ÙŠÙ„Ø©
اللقب:	مراقــب عام
الرتبه:
الصورة الرمزية

البيانات
البلد :	كل بلاد الاسلام اوطاني

عدد المساهمات :	323
نقاط :	69053
التقيم :	11
تاريخ الميلاد :	25/01/1996
تاريخ التسجيل :	18/08/2012
العمر :	28
العمل/الترفيه :	Ø·Ø§Ù„Ø¨ Ø§Ù„ØØ³Ù†Ø§Øª

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الأربعاء سبتمبر 12, 2012 3:22 am

اين باقي الحلقات
؟؟؟؟

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: Ø±Ø§Ø¹ÙŠ Ø§Ù„ÙØ¶ÙŠÙ„Ø©

Ø±Ø§Ø¹ÙŠ Ø§Ù„ÙØ¶ÙŠÙ„Ø© ; توقيع العضو

المعلومات
الكاتب:	ديني عصمــة أمــري
اللقب:	نائب المدير
الرتبه:
الصورة الرمزية

البيانات
البلد :	مصر

عدد المساهمات :	2415
نقاط :	94549
التقيم :	23
تاريخ الميلاد :	04/05/1998
تاريخ التسجيل :	03/09/2010
العمر :	26
العمل/الترفيه :	جمع الحسنات ورضا رب السماوات
الأوسمة :

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الأربعاء سبتمبر 12, 2012 4:10 am

الأخت لم تكمل الكتابه بعد..........الله المستعان

وجزاكم الله خيراً للمتابعــه

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: ديني عصمــة أمــري

ديني عصمــة أمــري ; توقيع العضو

المعلومات
الكاتب:	ديني عصمــة أمــري
اللقب:	نائب المدير
الرتبه:
الصورة الرمزية

البيانات
البلد :	مصر

عدد المساهمات :	2415
نقاط :	94549
التقيم :	23
تاريخ الميلاد :	04/05/1998
تاريخ التسجيل :	03/09/2010
العمر :	26
العمل/الترفيه :	جمع الحسنات ورضا رب السماوات
الأوسمة :

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الخميس سبتمبر 13, 2012 5:23 pm

السلام عليكم ورحمة الله وبركاته

الحلقة الثانية :

طلعت فوق لقيت كل العيال بتجري عالسلم .. قولت اجري زيهم .. ولما دخلت الفصل

معاهم لقيت كله بيجري عالديسكات وعلى ما عملت زيهم ماكنش فاضللي غير آخر

ديسك اكون العيل الخامس اللي قاعد فيه يلا رضا مهو الدسك الأولاني كان قاعد عليه 6

وكانوا فوق بعضهم بس لازم يضحوا ! .. وبعد فترة لما قعدت واستقريت ولقيت نفسي

قاعد ملفوف في بعضي كده زي الحلزونة كنت تعبت وجه دوري عشان اسند عالديسك

شوية .. اصل احنا كنا بنبدل كل شوية لما حد يتعب يسند هو،، ماهو اصل مستحيل نسند

احنا ال 5 في وقت واحد .. وسندت شوية و اول ما جيت ارفع كُمي لقيت لونه اتحول

اسود بقدرة قادر .. وبعد فترة عرفت اني كان لازم امسح الديسك قبل مااقعد عليه عشان

مفيش عمال بينضفوا الفصول " مفيش ميزانية بقى مانتو عارفين الإسطوانة دي !! "

وجه وقت الحصة الأولى ودخلت الميس اللي كنت فاكرها هتدخل تلاعبنا الكرسي

الموسيقي و تخلينا نلون الرسومات

ونقولها إسم كل شكل بنلونه !! .. لقيتها داخلة مكشرة وفي ايديها حاجة بيضاء كدا

عرفت بعدين ان اسمها الطباشيرة و اول مدخلت كنت انا بتكلم مع زميلي اللي قدامي

عشان مبعرفش التفت لا يمين ولا شمال !! .. لقيت الميس دي بتبصلي وجاية ناحيتي

وكل ماتقرب تبرقلي اكثر لقيتها بتزعقلي ووقفتني عشان كنت بتكلم !!

مهو أصل انا مكنتش اعرف اني مينفعش اتكلم في الحصة ، ومكنتش اعرف اني

مينفعش اتحرك من مكاني طول اليوم ، ومكنتش اعرف ان الفصل هيبقى فيه 60 عيل ،

ومكنتش اعرف ان المدرسة دي بتزعقلنا عشان متعلمتش تتعامل مع اللي فـ سننا ،

مكنتش اعرف انها بتدرس لاعدادي بس بتدينا عشان هي بعقد سنتين ، مكنتش اعرف ان

انا هكره المدرسـة وهروح اعيط لوالدتي عشان مااروحش تاني .. مكنتش اعرف ان

اسلوب التعليم ده هيفضل بيكبر معايا طول ما انا ازهري !!

يتبع..........

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: ديني عصمــة أمــري

ديني عصمــة أمــري ; توقيع العضو

المعلومات
الكاتب:	Ø±Ø§Ø¹ÙŠ Ø§Ù„ÙØ¶ÙŠÙ„Ø©
اللقب:	مراقــب عام
الرتبه:
الصورة الرمزية

البيانات
البلد :	كل بلاد الاسلام اوطاني

عدد المساهمات :	323
نقاط :	69053
التقيم :	11
تاريخ الميلاد :	25/01/1996
تاريخ التسجيل :	18/08/2012
العمر :	28
العمل/الترفيه :	Ø·Ø§Ù„Ø¨ Ø§Ù„ØØ³Ù†Ø§Øª

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الثلاثاء سبتمبر 18, 2012 3:14 am

انا لقيت الموضوع مش بيتحدث فقلت اكمله انا

الحلقة الثالثة :

كانت أيام إبتدائي تعب وجهد كبير كانوا بيحفظونا أجزاء كتير من غير لافهم ولا إتقان مش

مهم إزاي هنحفظهم .. أهم حاجة الطالب مننا يكون حافظ منهجه ويسمعه في الإمتحان

وشكر الله سعيك يابني ومتحفظش بقى غير عالسنة الجاية .. مهو انت اصلك لو فكرت

تراجع اللي اخدته هتلاقي نفسك محتاج تحفظه من أول وجديد !

كان فيه شيوخ بتتعامل معانا بنفس نظام الكُتـَّاب .. هز راسك وانت بتحفظ سمع للشيخ

بسرعة تبقى انت كده مية مية وهتعدي ..

كان كل حرصهم إن العيل يصُم منهجه .. حتى لو هينساه بعد اقل من سنة .. محدش

بيفكر يعلم الطالب الآيات تعليم ينفعه في حياته ويبني عليه سلوكه وأخلاقه .. مفكروش

ولو لمرة يفهموا إن الرسول (ص) قال : " خيركم من تعلم القرآن وعلمه " مش حفَّظ

القرآن وحفظَّه !!

ليه بقى عندنا بيفهموا ان التعليم ده هو الحفظ فقط بغض النظر عن الفهم و الإتقان

والتعلُّم الحقيقي اللي هيخلي الطالب طول عمره حافظ الآيات لإنها متثبته في ذهنه

وعايش بالآيات دي .. بيراجعها أول كل سنة مش بتتراكم عليه وقت كل امتحان .. ياترى

في أمل نتعلم القرآن بجد ؟!

وعدت ابتدائي وجت آخر سنة .. السنة اللي كانت بالنسبالي سنة النجاة و نهاية عذاب

بتاع الابتدائي .. جت سنة ستة ابتدائي اخيرررراً ..

كانت سنة طويــــــلة ومنهجها كبيـر أوي .. وكنا فعلاً صغيرين أوي على نظام التيرم

الواحد .. وكان مطلوب مننا نحفظ 18 جزء ونمتحن فيهم شفوي وتحريري !!

وطبعاً أحلى حاجة بقى امتحان الشفوي لإنك متعود على التسميع السريع فلو مش

حافظ هتسمع بكروتة وتاكل الآيات ولا حد هيحس بيك وهتاخد الدرجة النهائية كمان ..

ودي كانت الإستراتيجية المُتبعة في كل سنين ابتدائي وفي ناس فضلت تستخدمها لحد

إعدادي كمان .. !

بس ع قد ماكانت سنة طويـلة وصعبة جالنا في ستة ابتدائي شيخ كان بيحفظنا بأسلوب

جميل أوي و يحكيلنا القصص اللي في الآيات .. ولحد دلوقتي كل ماأراجع الآيات اللي كان

بيديهالنا افتكر القصص والمواقف اللي كان بيحكيهالنا .. كان دايماً بيعمل لنا مسابقات

ويسألنا في إسم السورة عشان نتدرب عليها قبل الإمتحان وكان بيعمل لنا شهادات تقدير

وكان مشهيصنا عالآخر يعني

ومنساش ان الشيخ كان بيحب الرسم فكان يعد يرسم لنا اشكال عالسبورة ويكتب عليها

اسماء الناس الشاطرة معاه .. وكان بينزلنا نلعب لما بيبقى علينا حصتين أو ثلاثة ..

مستغربين !! احنا سعات كنا بناخد 4 كمان .. من غير مايراعوا ان حتى لو الحصص دى

للقرآن فاحنا في الآخر اطفال ومش هنستوعب اننا ناخد الكمية دى من الحصص

والواجبات اللي بتتراكم علينا و اللي في الغالب مكناش بنقدر عليها ..

كنا في اوقات كتير مبناخدش حصص الألعاب وكنت بقيت متختخ من قلة الرياضة ..

مكانش فيه أي نشاط رياضي فـ مدرستنا علشان كده كنا بنضطر نلعب قدام المدرسة

وكانوا الناس اللي في العمارات يعدوا يدلقوا علينا مية من فوق عشان سعات كنا

بنكسرلهم الإزاز لما الكورة تخبط فيه .. ماهو لو كنا بنلعب في المدرسة مكانش زماننا

لعبنا تحت العمارات !!

محدش يفكرني بقى بأوائل الطلبة !! من ساعة مااعلنوا ان في اوائل طلبة وانا مستني

اشوف مين اللي هيطلع ومحدش طلع في الآخر وشكلها كانت اشتغالة !

امتحاناتي دلوقتي عالأبواب واديني عمال اذاكر وادح يـارب اجيب جون يـارب .. بس شكلها

هتيجي أوف سايـد المرادي !

يتبع.........

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: Ø±Ø§Ø¹ÙŠ Ø§Ù„ÙØ¶ÙŠÙ„Ø©

Ø±Ø§Ø¹ÙŠ Ø§Ù„ÙØ¶ÙŠÙ„Ø© ; توقيع العضو

المعلومات
الكاتب:	Ø±Ø§Ø¹ÙŠ Ø§Ù„ÙØ¶ÙŠÙ„Ø©
اللقب:	مراقــب عام
الرتبه:
الصورة الرمزية

البيانات
البلد :	كل بلاد الاسلام اوطاني

عدد المساهمات :	323
نقاط :	69053
التقيم :	11
تاريخ الميلاد :	25/01/1996
تاريخ التسجيل :	18/08/2012
العمر :	28
العمل/الترفيه :	Ø·Ø§Ù„Ø¨ Ø§Ù„ØØ³Ù†Ø§Øª

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الثلاثاء سبتمبر 18, 2012 3:14 am

الحلقة الرابعة :

كنت واقف في اوضتي بعدل القميص وادندن وكنت مبسوووووط أوي ساعتها،، وحاسس

إني خلاص بقى عديت ..

فرحت اوي بالزي بتاعنا كان كُحلي وكنت فرحان ان كل الناس اللي في الشارع

هيفتكروني في ثانوي .. هو فعلاً ليه معنى بالنسبالي كنت بتمنى زي مالزي اتغير ..

النظام التعليمي السئ ده كله يتغير .. والمناهج الطويلة .. و طريقة حفظ القرآن ..

والمراجعات اللي عمرنا معملناها أول كل سنة تفكرنا بالأجزاء القديمة .. كان نفسي كل

ده يتغير .. مش اللبس بس هو اللي يتغير !! ومفيش مانع اني كنت مخنوق من زي

ابتدائي وفرحت اني هلبس لون تـاني أخيراً .. بس مش هو ده الهدف دا كان التغيير اللي

مديني الأمل اني اشوف حاجات تانية اتصلحت واتغيرت ..

عدلت القميص وكنت على وشك اني اكلم نفسي عن الأيام الحلوة اللي مستنياني بس

بابا دخل عليا قبل ماتجيلي الحالة .. وقعد يكلمني عن أصحاب السوء واختيار الأصحاب

وإزاي ممكن يغيروا الواحد للأحسن أو للأسوء ..

بس انا كنت دماغي مش معاه خالص ولا بفكر غير في اني خلاص كبرت ومحدش ادي

بقى ..

قولتله حاضر طبعاً وبوست ايده وايد ماما ونزلت حاسس اني بمشي الخطوة عشرة ،

حاسس اني كبرت ولازم اتعامل بعد كده كويس ، خلاص بقيت باخد مصروف بالجنيهات ،

وخلاص بقى معادش ينفع اتضرب ولا اتهان تاني ، وهاخد تفسير بقى وأخيراً هفهم آيات

ربنا واعيش بيها ولو حد سألني في معانيها اقدر اجاوبه .. يـــــاه تصدقوا كنت لسـة طفل

برئ فعلاً !!

كنت بحلم بواقع مش شايفه ، ولا حتى ملامحه باينة ، داحتى الإبتدائي كان مرحلـة

صعبة وعدت بالعافيـة .. ومكانش في اي حاجة من اللي فات تخليني متفائل غير ان هي

دي طبيعتي .. ممكن يكون الواقع قدامي صعب اوي يتصلح لكن انا مش بيأس بسرعة ..

ممكن احارب عشان احلامي .. وعشان كنت مستني احلام كتيرة وخلاص هبتدي أحقق

لوالدي احلامه وهبتدي ارسم مستقبلي .. عشان كده مكنتش خايف وكنت متفائل !

كنت فاكر ان خلاص بمجرد الابتدائي عدى .. يبقى كده خلاص كل السئ عدى .. مكنتش

اعرف انه لسة في الأسوء .. كنت متخيل ان الدنيا هتضحكلي والحياة هتبقى بمبي

واشوف دنيا بقى ..

يــــــــاه .. مش بقوللكم كنت طفل برئ !! .

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: Ø±Ø§Ø¹ÙŠ Ø§Ù„ÙØ¶ÙŠÙ„Ø©

Ø±Ø§Ø¹ÙŠ Ø§Ù„ÙØ¶ÙŠÙ„Ø© ; توقيع العضو

المعلومات
الكاتب:	Ø±Ø§Ø¹ÙŠ Ø§Ù„ÙØ¶ÙŠÙ„Ø©
اللقب:	مراقــب عام
الرتبه:
الصورة الرمزية

البيانات
البلد :	كل بلاد الاسلام اوطاني

عدد المساهمات :	323
نقاط :	69053
التقيم :	11
تاريخ الميلاد :	25/01/1996
تاريخ التسجيل :	18/08/2012
العمر :	28
العمل/الترفيه :	Ø·Ø§Ù„Ø¨ Ø§Ù„ØØ³Ù†Ø§Øª

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الثلاثاء سبتمبر 18, 2012 3:15 am

الحلقة الخامسة :

وروحت المدرسة وبايني انا لوحدي اللي كنت بحلم الأحلام دي .. كنت بحسبني دخلت

الإصلاحية بالغلط بس لقيتها فعلاً مدرستي .. هو اكيد شكلها متغيرش في الشهرين بتوع

الأجازة بس جالنا دفعات جديدة من مدارس تانية مفيهاش اعدادي .. كان شكلهم مخيف

شوية بصراحة .. بس عادي يمكن قلبهم ابيض ولا حاجة !! عالعموم مش هحكم عليهم

من شكلهم خلينا نشوف ..

ولما نادوا اسمي عشان يقسموا الفصول كان اسمي مش مع صديقي اللي اتعودت اكون

معاه دايماً في المدرسة .. كنت زعلان اوي ساعتها وفرحتي راحت وابتاسمتي اختفت ..

انا معرفش مين الدفعات دي وشكلهم وهزارهم والألفاظ اللي بيقولوها لبعض في

الطابور متشجعش الواحد انه يتعرف عليهم خالص .. وكان فعلاً صعب عليا اوي اني اكون

لوحدي في اول يوم دراسة ..

يادوب دخلت الفصل ومفيش 10 دقايق لقيت مومياء طويلة عريضة جاية ناحيتي اتخضيت

من المنظر ورجعت بضهري لورا شوية لقيت شلته

كلها بتضحك

عليا وراح دحك ومشي ..

من يومها والموقف ده في بالي .. بس انا كانت دماغي اكبر من اني ارد عليه .. انا كان

في طريقة واحدة بس اخليه يلزم حدوده بيها ويحترمني كمان .. وهي اني اكسب

احترام كل المدرسين واغلب الطلبة - بما ان في ناس كتير في الفصل تبع شلته - .. وده

كان محتاج مجهود كبير مني وإرادة أكبر .. وكنت عارف ان الشخص ده هيكون أول عقبة

تواجهني في الأيام اللي جاية .. الأخ " برايز " .. أو هكذا يطلقون عليه !!

وبعد فترة من الدراسة اكتشفت انه بيبيع للطلبة سجاير وماخفي كان أعظم !!

طبعاً أي حد مكاني مكانش ينفع يسكت أبداً عالوضع ده .. عشان كده خدت بعضي

واستجمعت شجاعتي ونزلت اكلم شيخ المعهد .. لقيت مكتب سيادته مقفول بالرظة

والمفتاح وكان ناقص يكتبوا ممنوع التصوير أو الاقتراب من مكتب صاحب الفضيلة وان كان

عاجبكوا !!

قولت مش مشكلة ميضُرش .. وروحت واخد بعضي تاني وروحت لمكتب الوكيل ..

استنيته لما يخلص السجارة اللي فـ ايده ودخلت عليه بكل احترام ووقار وقولتله : سلام

عليكم يامولانا !!

وبدأت احكيله عاللي بيحصل .. ويـــاه بقى متخيل ملامحه وهو غضبان ومتفاجئ والشرر

يتطاير من عينيه ومتعصب كده وطالع عالسلم قبلي يشوف المهزلة اللي بتحصل دي !!

بس كالعادة كل اللي كنت متخيله محصلش !! .. سألني بلا مبلاة متأكد من اللي بتقوله

يابني ولا بتوجع دماغنا عالفاضي !! .. قولتله باستغراب : متأكد طبعاً يا مولانا !!

قاللي طب امشي انت دلوقتي وانا هبقى اتصرف في الموضوع ده !

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: Ø±Ø§Ø¹ÙŠ Ø§Ù„ÙØ¶ÙŠÙ„Ø©

Ø±Ø§Ø¹ÙŠ Ø§Ù„ÙØ¶ÙŠÙ„Ø© ; توقيع العضو

المعلومات
الكاتب:	ديني عصمــة أمــري
اللقب:	نائب المدير
الرتبه:
الصورة الرمزية

البيانات
البلد :	مصر

عدد المساهمات :	2415
نقاط :	94549
التقيم :	23
تاريخ الميلاد :	04/05/1998
تاريخ التسجيل :	03/09/2010
العمر :	26
العمل/الترفيه :	جمع الحسنات ورضا رب السماوات
الأوسمة :

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الخميس سبتمبر 20, 2012 3:08 am

معذرة للتأخــير ......وجـزاكم الله خيراً

يسّر الله كل عسير

الموضوع الأصلي : مسلسل صرخة ازهرى (متجدد) // المصدر : منتديات فارس أون لاين // الكاتب: ديني عصمــة أمــري

ديني عصمــة أمــري ; توقيع العضو

المعلومات
الكاتب:	Ø±Ø§Ø¹ÙŠ Ø§Ù„ÙØ¶ÙŠÙ„Ø©
اللقب:	مراقــب عام
الرتبه:
الصورة الرمزية

البيانات
البلد :	كل بلاد الاسلام اوطاني

عدد المساهمات :	323
نقاط :	69053
التقيم :	11
تاريخ الميلاد :	25/01/1996
تاريخ التسجيل :	18/08/2012
العمر :	28
العمل/الترفيه :	Ø·Ø§Ù„Ø¨ Ø§Ù„ØØ³Ù†Ø§Øª

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

الجمعة سبتمبر 21, 2012 3:15 am

الحلقة السادسة:

يافرج الله !! قعدت مستني حصة .. حصتين .. يوم .. يومين ..ومفيش حاجة حصلت .. ايه

ياجدعااااااان في ايه !!

وبعد يومين طلعلنا الأخصائي الاجتماعي بجلالة قدره !! فضل يفتش كل عيل وفعلاً لقى

علبة بحالها مع طالب .. الولد فضل يترعش ووشه قلب ألوان لحد ما الأخصائي قال له رفد

3 ايام عشان تتربى !!

والواد سمع الكلام من هنا وكإنه نجي من الإعدام .. ونص الفصل قعد يضحك والواد

فرحان والأخصائي فرحان ووكيل المعهد فرحان .. وشيخ المعهد لم يظهر له حتى الآن

عنوان !

وفي اليوم اللي بعده .. لقيت الكابتن "برايز" اللي قولتلكم عليه جاي ومعاه 5 بودي

جاردات وراه من الشلة بتاعته .. قولت اغمض عيني وافتحها تاني كده يمكن بتخيل ..

بس لا داهو "برايز"بشحمه ولحمه .. لقيته جاي نحيتي وفضل يقرب ،، يقرب .. لقيته

بيقول لي : بص بقى ياحلو يا نايتى يا طعم ياسيد مامتك انت عشان مدتك هنا تعدي على

خير اعمل نفسك مغمض .. اعمل نفسك ايه ؟! مبتشوفش .. ماشي يا

امور ؟؟

هو صحيح ان مفيش شبه بيني وبين جون سينا .. ويبدوا كمان اني الطالب الوحيد الغير

مُسلَح في المدرسة دي .. بس طالما الحق معايا انا يبقى لا "برايز" ولا حتى جوني

السفاح يخوفني .. استجمعت كل جرأتي و شجاعتي وقولت له هو اللي ينسى اني

ممكن اشوف اللي بيحصل ده واسكت عليه وهفضل ادوش الادارة وانزل اكلمهم كل يوم

يوقفوهم عند حدهم .. وطبعاً كان الرد الطبيعي من واحد زيه انه طلع مطوة من جيبه

وكان فاكر انه هيخوفني بيها .. ولولا ان كان في مدرس معدي وكان هيقفشه بيها .. كان

زماني روحت متعور .. تخيلوا بقى ان طالب عنده 13 سنة بيعرف يفتح مطاوي ويخوف

الناس بيها كمان .. شغل محترفين .. شغل ناس رد سجون مش طلبة ازهرية مثال للتدين

و أخلاق الإسلام .. وبردو للمرة المليون تفتكروا العيب على الطالب ولا عالمسؤول اللي

أهمل رعيته .. الوكيل اللي مش فاضي يطفي سجارته ويقوم يشوف مين بيشرب سجاير

ومين بيمسك مطاوي .. يمكن عذره الوحيد انه يخاف لو قام الطلبة تخلصله على علبة

السجاير بتاعته!! ..

الحُـــــريـة لـلأزهـــــر ..

المعلومات
الكاتب:	Ø±Ø§Ø¹ÙŠ Ø§Ù„ÙØ¶ÙŠÙ„Ø©
اللقب:	مراقــب عام
الرتبه:
الصورة الرمزية

البيانات
البلد :	كل بلاد الاسلام اوطاني

عدد المساهمات :	323
نقاط :	69053
التقيم :	11
تاريخ الميلاد :	25/01/1996
تاريخ التسجيل :	18/08/2012
العمر :	28
العمل/الترفيه :	Ø·Ø§Ù„Ø¨ Ø§Ù„ØØ³Ù†Ø§Øª

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

السبت سبتمبر 22, 2012 11:16 pm

الحلقة السابعة :

وزي ماقولت لـ "برايز" كنت فعلاً بنزل اكلم الإدارة كل يوم ، وكنت يوم الاقي اللي اتكلم

معاه ويوم ملاقيش اللي فاضي يسمعلي .. لحد ماجه اليوم اللي القمر اكتمل فيه ..

اوحصول خسوف مش فاكر :/ .. جه أخيراً اليوم اللي قدرت اشوف فيه صاحب السمو "

شيخ المعهد" بتاعنا ..

وفعلاً مضيعتش الفرصة دي وقولت لازم اكلمه يعني لازم اكلمه .. وبما انه مكانش بيظهر

غير في عيد الأب وعيد المعلم فكان لازم يعمل حاجة التاريخ يفتكرهاله ! .. وفـعلاً في

نفس اليوم طلع فعلاً ومعاه الأخصائي والوكيل اللي دايماً متعود إنه يبعت حد من الطلبة

يجيبوله سجاير من الكشك اللي قدام المدرسة !!

وفعلاً الفصول كلها اتفتشت واتبعتت استدعاءات لأولياء الأمور وثلاثة ارباعهم ماجوش !!

وللأمانة العلمية والتاريخية شيخ المعهد كمان هدد بإنه اللي هيتمسك بيعمل أي حـاجة

مخالفة في المدرسة مش هيدخل لجنة آخر السنة .. طبعاً دي الاسطوانة المعروفة

اللي محدش بيتهزله شعراية لما يسمعها لكن خلونا نبص للجانب الإيجابي في الموضوع ..

أولاً : الموضوع بدأ يقل جداً وبقى فيه حساب نوعاً ما قبل أي تصرف من الطلبة .. يعني

مبقاش زي مصلحة السجون اللي كان في الأول .. ممكن تتعور وتشتكي ولاحد يسأل

فيك من الإدارة .. دلوقتي بقيت ممكن تبلغ الادارة وهتاخد حقك بإيديك في الآخر .. بس

بردو ممكن تدي خبر للإدارة عشان يعرفوا ان ده دفاع عن النفس .. !

عالأقل الموضوع مبقاش منتشر حتى في الفصول زي الأول لإنهم عارفين إن حتى لو

مااتمنعوش من دخول اللجنة .. فممكن شيخ المعهد يكلف نفسه ويمر عالفصول مرة ولا

مرتين في التيرم ..

وعايز اقولكوا بقى ان من ساعتها لا "برايز" ولا شلة "برايز" بقى حد فيهم يقدر يتنفس

بكلمة معايا .. عارفين اني وصلت للإدارة وحركت شيخ المعهد بذات نفسه .. الراجل اللي

مكناش بنشوفه غير في طابور أول السنة شوفناه في الفصل أخيراً ..

أنا كنت دايماً متفائل رغم الظروف .. لكن الواقع كان غير كده .. الواقع كان أسوء بكتير من

إني أنا لوحدي أصلحه .. الفساد كان في كل حتة وفي كل مجال .. كان صعب واحد ولا

اثنين ولا ثلاثة يغيروه .. كان محتاج جهد ناس كتيـر .. ناس عايـزة تصلح وتبني بجد .. ناس

لسـة عندها تمسك بدينها ومبادئها .. بالنسبالها الأزهر مش بس معاهد وكليات ..

بالنسبالها الأزهر هو رمز مصر الإسلامية الوسطية .. ومنارة للعلم في الدول العربية

والإسلامية .. ومنبع الثقافة و العلوم الشرعية .. الأزهر اللي بيعبر عن كل المسلمين بجد

.. الأزهر اللي هو بتاع كل واحد فينا .. الأزهر اللي عشـانه لازم نهتف ,،

الحُـــــــــريــــــــة لـلأزهـــــــــــــــر

يتبع .................

المعلومات
الكاتب:	Ø±Ø§Ø¹ÙŠ Ø§Ù„ÙØ¶ÙŠÙ„Ø©
اللقب:	مراقــب عام
الرتبه:
الصورة الرمزية

البيانات
البلد :	كل بلاد الاسلام اوطاني

عدد المساهمات :	323
نقاط :	69053
التقيم :	11
تاريخ الميلاد :	25/01/1996
تاريخ التسجيل :	18/08/2012
العمر :	28
العمل/الترفيه :	Ø·Ø§Ù„Ø¨ Ø§Ù„ØØ³Ù†Ø§Øª

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

السبت سبتمبر 22, 2012 11:18 pm

الحلقة الثامنة:

النهاردة كان يوم مش عادي بالنسبالي ,, كانت المرة الأولى اللي هدخل فيها معمل

الكومبيوتر ,, هييييييييه أخيراً بقى الواحد هيشوف حاجة جديدة في المدرسة دي ,, كنا

40 طالب في فصل الإعدادي ,, فمن حقنا بقى يكون في 40 كمبيوتر ,, بس عشان احنا

بنرضى بقليلنا وعارفين إن الميزانية "محدودة" عالآخر :/ ,, كنا عادي مستعدين نرضى بـ

20 جهآز كل كمبيوتر عليه 2 طالب مش مشكلة ,, لكن لما 40 طالب يدخلوا يلاقوا 15 جهاز

منهم 4 بايظين يبقى احنا كده مش داخلين نتعلم داحنا داخلين نتفرج ونصلي عالنبي !!

والأجمل والأظرف لما المدرس يسأل الطلبة اللي مش لاقيين مكان يقعدوا : إيـــه

واقفينلي كده ليه مفيش ولآ جهاز من دول عاجبكوا !! يلا انت وهو كله يخش يترزع على

أي جهآز

وفعلاً احنا بننفذ تعليماته حرفياً وبنترزع 5 عالجهاز واللي حظه حلو شوية وقاعد جنب

واحد تختوخ شوية يبقى في أمل انك تقعد 4 عالجهاز .. تيجي تقولي طب م

هو أهم حاجة تكون واخد راحتك ومش مهم بقى تشوف تبقى تسأل زمايلك هما شافوا

إيه .. بس طبعاً اللي بيقول كده متخيل ان كل بني آدم قاعد على كرسي لوحده لإن

مفيش بهدلة اكتر من اللي احنا شوفناها .. لكن لا والله مايحصل ودي تييجي بردو !! لازم

عالأقل نقعد 2 عالكرسي ولو مش عاجبك ..... بردو هتقعد !!

اصل لو كان اللي بيستعبط في الحصة بيطلع بره كان هيريح ويستريح ,, لكن على مين

؟!!

المستر بقى كان بيستخدم معانا استراتيجية من نوع تاني .. يعني اللي بيتكلم بيسيبه

واللي بيهزر بيسيبه لكن هتتحرك من مكانك هتلاقي العصاية نازلة على قفاك من حيث

لاتدري !!

وخلصت الحمد لله حصة التعذيب وخرجت منها بدون إصابات ولله الحمد .. ورن جرس

الفسحة وخرجت جيوش من الغُزاة ، وظهرت بطولآت القفز العالي والدحرجة عالدرابزين

... يلا يارجالة هجووووم عالكانتين ..

احب اوصفلكوا الكانتين بتاعنا بقى .. هو عبارة عن عدد كرتونتين شيبسي وكارتونة

بسكوت عمرك مهتشوفه غير في مدرستنا بحيث انك اول ماتاكله مش هتشوف حاجة

بعدها !

مكان الكانتين بقى بيختلف على حسب المزاج العام للعامل او العاملة .. ولو فكرت تروح

تشتري حاجة لازم تسمع السؤال ده عاللأقل 4 مرات "دفعت ياواد ولا هتاخد الحاجة

وتجري زي كل يوم ؟؟".. وده ببساطة شديدة بيحصل لإن فعلاً في "عيال" بياخدوا الحاجة

ومش بيدفعوا فلوسها كنوع من الهزار او مراهن صحابه على كده .. و العامل أو العاملة

دول ملهمش مرتبات.. يعني ممكن ياخدولهم في الشهر 15 ,, 20 جنيه !! وكارتونتين

الشيبسي دول هما اللي بيقدروا يجيبوهم عشان ياخدوا مكسب بسيط منهم وفي الآخر

ممكن عشان واحد بيهزر او مش عايز يخسر الرهان بتاعه !! يخسرهم المكسب البسيط

اللي بيتعبوا عشانه !!

هما دول يااسيادنا اللي مستنينهم في يوم من الايام يطلع منهم العالِم والفقيه والداعي

والخطيب .. هو ده الأزهر بجد ولا انا جيت عنوان غلط ؟!!

يتبع.............

المعلومات
الكاتب:	Ø±Ø§Ø¹ÙŠ Ø§Ù„ÙØ¶ÙŠÙ„Ø©
اللقب:	مراقــب عام
الرتبه:
الصورة الرمزية

البيانات
البلد :	كل بلاد الاسلام اوطاني

عدد المساهمات :	323
نقاط :	69053
التقيم :	11
تاريخ الميلاد :	25/01/1996
تاريخ التسجيل :	18/08/2012
العمر :	28
العمل/الترفيه :	Ø·Ø§Ù„Ø¨ Ø§Ù„ØØ³Ù†Ø§Øª

التوقيت

الإتصالات

الحالة:

وسائل الإتصال:

موضوع: رد: مسلسل صرخة ازهرى (متجدد)

السبت سبتمبر 22, 2012 11:21 pm

الحلقة التاسعة :

النهاردة كان فاضل 3اسابيع على امتحانات آخر السنة يعني غالباً آخر اسبوع هنحضر فيه

.. ومستر العلوم محبش يخلينا نودع السنة من غير مندخل معمل العلوم نشوفه للمرة

الأولى - ويـارب تكون الأخيرة -

وكمان وعدنا انه لو لقى حاجة سليمة ممكن يعمل لنا تجربة .. عمركوا شوفتوا عز اكتر

من كده !!

دخلنا المعمل ولاقيناه عبارة عن أوضة كراكيب كبيـرة .. مليان لوح ملهاش أي 30 لازمة

ومفيش ولا واحدة فيها بتاعة علوم كلها عبارة عن أرقام وحروف !!

حنفيـات بايظة و بـنشات متـربة بقالها قرون محدش سند عليها .. بس معلش طول ما انت

ازهري يبقى لازم تستحمل ..

المهم بقى طلعنا في دماغ المستر يعمللنا تجربة كده يفرح قلبنا بيها وبدأ يعمل التجربة

بالفعل بس كان في حمض مش راضي يتفاعل راح فضل يدلق يدلق من غير حساب ولا

كإنه واقف بيعمل شَربات .. لحد مالمعمل كله اتقلب ودخان طلع والتجربة فضلت تفرقع

وطلع غاز غريب و كلنا قفلنا الباب عالمستر وطلعنا نجري .... آآآه .. بس الميزة اللي في

الموضوع بقى اننا اكتشفنا ان الحاجة في مدرستنا مهما تقدم مش بتبوظ هي بس بتبقى

محتاجة زقة خفيفة وانت وحظك ياتتعلم يا تستشهد !!

عدت الأسابيع الـ3 الحمد لله والنهاردة أول يوم في امتحانات آخر السنة .. كنت رايح مذاكر

كويس ، بصيت لقيت اللجنة كلها بتغش والبرشام اشتغل وبلاااااوي زرقا .. يعني عادي

جداً انك تبقى قاعد في امتحان الحديث وتلاقي اللي جنبك بيقولك عايز السؤال بتاع "من

غشنا فليس منا " !! .. متستغربش ساعتها لإن هو ده الوضع الطبيعي في الأزهر ،، ذاكر

- جايز تنجح - ،، غش تجيب مجموع !!

بس انا كنت بنفد وكنت الحمد لله بطلع من الأوائل كل سنة من غير غش بس كان دايماً

الأول عالمدرسة كان دايماً بيجيبها بالتعاون مع البرشام ..

وعدت امتحانات أولى وعدت زيها ثانية بنفس الغش ونفس الأسلوب التعليمي المتخلف

ونفس الامبالاة اللي عند المسؤولين .. وخلاص أخيراً .. ثالثة اعدادي : I'm coming !

يتبع............

مسلسل صرخة ازهرى (متجدد)

مواضيع مماثلة

» مسلسل يوميات شاب عادي خالص مالص
» أقوال النجوم / متجدد بإذن الله
» ملف ((( مأســـــــــــــاة بــــــورمــــــا ))) شاركنا بما عندك // متجدد باذن الله
» موسوعه ثيمزات 7710 هنا متجدد باستمرار بالصور
» احلا ثمات(رعب,جماجم,اشرار,ميتال,نار..) هنا ادخل والثيمات كثيرة للجيل الثالث و N متجدد

إضافة/ تعديل الكلمات الدليلية

الكلمات الدليلية (Tags)

لا يوجد

الــرد الســـريـع

هام جداً: قوانين المساهمة في المواضيع. انقر هنا للمعاينة

الرد السريع

خــدمات المـوضـوع

كلمات دليليه	مسلسل صرخة ازهرى (متجدد) , مسلسل صرخة ازهرى (متجدد) , مسلسل صرخة ازهرى (متجدد) ,مسلسل صرخة ازهرى (متجدد) ,مسلسل صرخة ازهرى (متجدد) , مسلسل صرخة ازهرى (متجدد)
رابط الموضوع
BBCode
HTMLcode

إذا وجدت وصلات لاتعمل في الموضوع او أن الموضوع [ مسلسل صرخة ازهرى (متجدد) ] مخالف ,, من فضلك راسل الإدارة من هنا

«الموضوع السابق|الموضوع التالي»

مسلسل صرخة ازهرى (متجدد)

مواضيع مماثلة

مواضيع مماثلة

مواضيع ذات صلة