		منتديات فارس أون لاين :: :: :: الأقسام الفرعيه :: :: المنتدي العام :: قسم المسلسلات المقروءه
سلسلة تامر ومعاذ

سلسلة تامر ومعاذ

منتديات فارس أون لاين :: :: :: الأقسام الفرعيه :: :: المنتدي العام :: قسم المسلسلات المقروءه

شاطر

بيانات كاتب الموضوع

سلسلة تامر ومعاذ

كاتب الموضوع

رسالة

المعلومات
الكاتب:	Mr:x
اللقب:	مراقــب عام
الرتبه:
الصورة الرمزية

البيانات

عدد المساهمات :	999
نقاط :	89039
التقيم :	6
تاريخ التسجيل :	11/10/2009
الأوسمة :

التوقيت

الإتصالات

الحالة:

وسائل الإتصال:

موضوع: سلسلة تامر ومعاذ

الإثنين أبريل 04, 2011 2:32 am

بسم الله الرحمن الرحيم

والصلاه والسلام على سيدنا محمد صلى الله عليه وسلم

من غير مقدمات هنشوف حوار 3اصدقاء معاذ وتامر وعبد الله

تامر:- السلام عليكم

معاذ:- وعليكم السلام ورحمة الله وبركاتة
اهلا وسهلا يا استاذ تامر ايه يا عم فينك؟

تامر:- معلش بقى يا عم معاذ مشاغل بقى وانت عارف.

معاذ:- مالك كده يا تمور شكلك عاوز تقول حاجة.

تامر:- بصراحة ايوة يا موزى هو سؤال كدة مش تطفل يعنى
بس صحبى يعنى .........

معاذ :- يا عم اتكلم على طول مالك

تامر:- بصراحة عاوز اسالك انت بتسهر كل يوم بالليل تعمل ايه
انا كذا مرة اتصل بيك ترد عليه والقيك صاحى فى نصف الليل؟

معاذ:- ههههههه بس كدة هاقولك بس عرفنى الاول على صاحبك اللى معاك دة.

تامر:- دة عبد الله زميل عمرى وحبيبى.

عبد الله:- اهلا يا استاذ معاذ يشرفنى معرفتك تامر حكى لى عنك كتير قوى.

معاذ:- اهلا بيك يا عبده , ايه استاذ دى احنا اخوات ياعم بلاش تكليف.

تامر:- احم احم معاذ انت نسيت سؤالى ولا بتهرب؟

معاذ:- لا يا عم الحشرى منستش بس قول لى انت الاول بتقضى ليلك ازاى؟

تامر:- اما بنام بدرى زى الكتكوت لما بكون تعبان من الكلية وكدة واما
بسهر بقى امام كمبيوتر والنت ممكن امام الشات يمكن بلعب العاب .

معاذ:- وانت يا عبود؟

عبد الله:- انا..........انا.............. انا بنام بدرى .

معاذ :- انا بقى يا عم تامر بنام بدرى واصحى فى نصف الليل
فى الظلام والسكينة والهدوء , كل الناس نايمة و اقعد بقى
فى خلوة مع الله اقوم كدة اتوضى واجيب المصلية واقفل غرفتى عليه
واقعد اصلى فى الظلام ولا احد يسمعنى ولا يرانى الا الله
و اقعد ادعى واناجى ربى واطلب كل ما اتمناه واشكو كل هموم الدنيا
واستغفر وابكى بين يدى الله واغسل قلبى .

تامر:- صلاة ايه فى نصف الليل دى؟

عبد الله :- ايه يا تامر انت ميح كدة ليه ؟ , دة بيصلى قيام ليل يا حج .

معاذ:- صح يا عبود دى صلاة قيام الليل يا تمور.

تامر:- مش هما خمس صلوات بردة ؟ فين صلاة القيام دى؟

معاذ:- بص يا حبيبى الصلوات المفروضة 5صلوات زى من انت عارف
لكن هناك نوافل مش فرض زى ركعتين قبل الفجر وركعتين بعد
العشاءكده زى التروايح فى رمضان والتهجد كل دى نوافل ,
سنن يعنى ,مهياش فرض يعنى لو سبتها مش تاخد ذنب لكن لو
عملتها انت الكسبان حسنات كتيرة جدا وكل نافلة ليها ثواب معين
غيرالتانية.وصلاة القيام دى صلاة نافلة وقتها من بعد صلاة العشاء
الى اذان الفجر,ممكن تصليها ركعتين او 4 او6 او8او ما تستطيع ان
تقوم به,وممكن تصليها بسور قصيرة وممكن تصليها بصفحات
واجزاء ولكن طبعا يفضل ان القنوت فيها يكون طويل لان اسمها قيام
يعنى القراءة وانت واقف تقرى سور طويلة .

تامر:- ايه يا عم انت تصحى فى نصف الليل علشان تصلى نفل مش فرض
وليه يعنى تسيب النوم والدفى وتقوم وتتعب وتبرد وتقلل
ساعات نومك؟

معاذ:- ما انت يا تمور لو تعرف ثوابها مش سيبها
ولا هضيع ليلة من غير ما تقومها.

تامر:- طيب عرفنى تكسب فيه ثواب.

معاذ:- صلى على النبى عليه الصلاه والسلام.

تامر:- صلى الله عليه وسلم

معاذ:- قال الله جلا وعلا "وعباد الرحمن الذين يمشون على الارض هونا
واذاخاطبهم الجاهلون قالوا سلاما والذين يبيتون لربهم سجدا وقياما"
64 الفرقان.
يعنى قيام الليل دة صفة من صفات عباد الرحمن.
قال تعالى):تَتَجَافَى جُنُوبُهُمْ عَنِ الْمَضَاجِعِ (السجدة:16. قال مجاهد
والحسن: يعني قيام الليل.
وقال ابن كثير في تفسيره: ( يعني بذلك قيام الليل وترك النوم
والاضطجاع على الفرش الوطيئة.
وقال عبد الحق الأشبيلي: ( أي تنبو جنوبهم عن الفرش، فلا تستقر
عليها، ولاتثبت فيها لخوف الوعيد، ورجاء الموعود(.
وقد ذكر الله عز وجل المتهجدين فقال عنهم:
(كَانُوا قَلِيلاً مِّنَ اللَّيْلِ مَا يَهْجَعُونَ * وَبِالْأَسْحَارِ هُمْ يَسْتَغْفِرُون)الذاريات:18،17
قال الحسن: كابدوا الليل، ومدّوا الصلاة إلى السحر، ثم جلسوا
في الدعاء والاستكانة والاستغفار.
وقال تعالى: (أَمَّنْ هُوَ قَانِتٌ آنَاء اللَّيْلِ سَاجِداً وَقَائِماً يَحْذَرُ الْآخِرَةَ وَيَرْجُو
رَحْمَةَ
رَبِّهِ قُلْ هَلْ يَسْتَوِي الَّذِينَ يَعْلَمُونَ وَالَّذِينَ
لَايَعْلَمُونَ إِنَّمَا يَتَذَكَّرُ أُوْلُوا الْأَلْبَابِ)
[ الزمر:9].
أي: هل يستوي من هذه صفته مع من نام ليله وضيّع نفسه،
غير عالم بوعد ربه ولا بوعيده؟!

غير ان سيدك النبى علية الصلاة والسلام قال : (أتاني جبريل فقال:
يا محمد، عش ماشئت فإنك ميت، وأحبب من شئت فإنك مفارقه،
واعمل ما شئت فإنك مجزي به، واعلم أن شرف المؤمن قيامه بالليل،
وعزه استغناؤه عن الناس)
[رواه الحاكم والبيهقي وحسنه المنذري والألباني]
يعنى قيام الليل دة علامة الصالحين ومنهج الصالحين
فلا صالح بدون قيام ليل.
وقال عليه الصلاة والسلام: (عليكم بقيام الليل فإنه دأب الصالحين قبلكم،
وقربة إلى الله تعالى، ومكفرة للسيئات، ومنهاة عن الإثم،
ومطردة للداءعن الجسد)[رواه أحمد والترمذي وصححه الألباني
وقيام الليل يبعد العبد عن المعاصى والذنوب
ويعطية قوة ايمانية تحصنة من الوقوع فى الاثم
وينهاه عن ارتكاب المحرمات فان قيام الليل اصلاح وتهذيب وتربية.
وكمان منفعة دنيوية فقيام الليل بيشفى الجسد من الامراض باذن الله.

وقال النبي في شأن عبد الله بن عمر: (نعم الرجل عبد الله، لو كان يصلي
من الليل)[متفق عليه].

قال سالم بن عبدالله بن عمر: فكان عبد الله بعد
ذلك لا ينام من الليل إلا قليلاً.
وقال النبي : (في الجنة غرفة يرى ظاهرها منباطنها،
وباطنها من ظاهرها)
فقيل: لمن يا رسول الله؟ قال: (لمن أطاب الكلام، وأطعم الطعام،
وبات قائماً والناس نيام) [رواهالطبراني والحاكم وصححه الألباني].

وقال : (من قام بعشر آيات لم يُكتب من الغافلين، ومن قام بمائة آية كتب
من القانتين، ومن قام بألف آية كتب من المقنطرين) [رواه أبو داود
وصححه الألباني]. والمقنطرون هم الذين لهم قنطار من الأجر.
وذكر عند النبي رجل نام ليلة حتى أصبح فقال: (ذاك رجل بال
الشيطان في أذنيه !! )[متفق عليه].
وقال : (أفضل الصلاة بعد الفريضة صلاة الليل) [رواه مسلم].

تامر:- يااااااااااااااااه كل دة على قيام الليل
بقى كل الثواب دة والفضل دة والمكاسب دى للى يقوم يصلى بالليل
ما شاء الله , فعلا ما ربنا كريم وفضلة واسع ومغرقنا كرم ونعيم
ياه يا واد يا موزى دة فى الدنيا جنة فعلا
تعرف يا موزى شوقتنى انى ادخل جنة الدنيا دى وادوق الحلاوة دى.
احكى احكى لى عن القيام اكتر يا موزى حببتنى فيه ربنا يحبك يا عمرى.

معاذ:- لما بيجى الليل ويخيم الظلام والسكون وتنام الناس اشعر بسعادة بالغة
لا اشعر بالوحدة , اشعر بالانس بالله , اجلس فى خلوة مع ربى
ادعوة واناجية وافضفض واحكى واشكى له كل شئ واى شئ
واستغفرة واستعين به واصلى واقرا القران
ويااااااه يا تمور فعلا زى ما انت قلت جنــــــــــــة كانى عايش فى جنة
حلاوة مش بعدها حلاوة ولذة مش زيها لذة.
احساس يداق(يتذوق) مش يتوصف ابدا
وياه قلبى بيدق اول ما اسمع اذان الفجر بحزن حزن شديد جدا
وبكون خلاص هاعيط , زعلان ان النهار طلع وانتهت الخلوة مع الله
واظل فى انتظار الليل
من جديد حيث لقاء الحبيب فاذا جن الليل خلا كل حبيب بحبيبة.

تامر:- الله عليك وعلى كلامك الجميل دة نفسى يجي الليل واقوم اصلى واذوق
الحلاوة دى
لا يا عم انا مش هسيب قيام الليل دة ابدا ابدا دة جنة يا عم محروم اللى
مش بيدخلها.
مين العبيط اللى يعرف الفضل دة والكلام دة وبعد كل ده ميقمش
الليل غير واحد اهبل؟

عبد االله :- عارف عيبك ايه يا تامر؟

تامر:- ايه يا عبده؟

عبد الله:- انك جاهل.

تامر:- ليه الغلط دة بس؟

معاذ:- لا يا عبده الجهل مش عيب طالما انه بيتعلم وبيحاول يرفع الجهل ده
وبعدين دى احلى حاجة فى تمور انه اول ما بيعرف الحاجة بيجرى
عليها ويعملها
العيب الحقيقى ان الواحد يعلم ولا يعمل , على الاقل تامر عذرة جهلة.

تامر:- كسفتنى بكلامك الحلو يا معاذ ربنا يكرمك .

معاذ:- لا وش كسوف قوى حضرتك ههههه وانت بقى يا عبدة هتقوم الليل؟

تامر:- على فكرة يا معاذ الواد دة سوسة وتلاقية بقى عارف كل الكلام دة
وتلاقية مش بيسيب قيام الليل دة خالص تلاقية بيصلى ساعتين ولا
تلاقية يا عم بيصلى بتاع
اربعين ركعة اه امال ايه, الواد دة بيكتب حاجات على النت بيكلم
الناس فيها عن ربنا.
وبينصح زمايلنا بحاجات كتير وكل الناس عارفة انه واد تقى
وايه قريب من ربنا و............

عبد الله :- قاطعا تامر كفايه يا تامر كفاية اسكت ارجوك اسكت
اسكت هتودينى فى داهية حرام عليك انا مش حمل الذنوب دى.

تامر:- مندهش.

معاذ:- اهدى بس يا عبده مالك فيه ايه ؟تامر مغلطش فيك دة بيمدحك ويثنى عليك

عبد الله:- ينهار قائلا انا مستهلش المدح دة ولا استاهل الستر دة
انا مش زى ما هو فاكر ولا زى ما الناس شايفة
انا احقر الناس شأن , انا مش بقوم الليل يا معاذ ولا بنصف ركعة
انا بنام يا معاذ ولا بصحى ولا بنوى اصلى القيام اصلا
انا ممكن اسهر اسمع شيخ معين ولا اصلى قيام ليل
انا ممكن اسهر اكتب موضوع عن ربنا ولا اصلى ركعة قيام
انا ممكن اسهر اكلم حد عن الله ولا اقوم اصلى ركعة.
ينهار فى البكاء.

انا مش بقيت قادر اصليه خالص حاسس انة تقيل على قلبى
انا بهرب من التفكير اصلا فى الموضوع مش بفكر انام ولا اصلى بقوم انام
على طول من غير اى نقاش ولا تفكير
مش بذكر نفسى بفضلة ولا بكلمها ولا بجاهدها
يبكى بحرقة.

معاذ:- قال الله تعالى"الذين امنوا وهاجروا وجاهدوا فى سبيل الله باموالهم وانفسهم اعظم درجة
عند الله واولئك هم الفائزون"التوبة
لازم تجاهد نفسك وتتناقش معاها وتجبرها على فعل الطاعة وتجرها اليها جرا
قال الله" واما من خاف مقام ربه و نهى النفس عن الهوى فان الجنة هى المأوى"
انت مش بتفكر فى حديث النبى عليه الصلاة والسلام " حفت الجنة بالمكارة وحفت النار بالشهوات"
انت
فين من قول الله"رجال لا تلهيهم تجارة ولا بيع عن ذكر الله واقام الصلاه
وايتاء الزكاه يخافون يوما تتقلب فيه القلوب والابصار"النور37
انت بقى بيلهيك عن الله النوم؟
النوم عندك افضل من الله؟
النوم عندك افضل من الانس بالملك ؟ النوم عندك افضل من الخلوة مع ربك؟
النوم عندك افضل من مناجاة حبيبك الله؟
النوم عندك افضل من ان يستجيب الله دعائك؟ ويغفر ذنبك؟ ويشفى مرضك؟ ويعطيك حاجتك؟
النوم عندك افضل من لقاء الله؟
بسم الله الرحمن الرحيم " قل أذلك خير ام جنة الخلد التى وعد المتقون كانت لهم جزاء"
هيفيدك بايه النوم؟
قال الله عز وجل"ما اغنى عنهم ما كانوا يمتعون"207الشعراء

عبد الله :-فى انهيار تام يقول اسكت اسكت اسكت كفاااااااااااااااية
بس ارحمنى , مش عاوز اسمع حاجة.

معاذ:-
قال الله عز وجل"ومن اعرض عن ذكرى فان له معيشه ضنكا و نحشره يوم القيامة
اعمى* قال رب لم حشرتنى اعمى وقد كنت بصيرا *قال كذلك اتتك اياتنا فنسيتها
وكذلك اليوم تنسى"طه

عبد الله:- يبكى وينهار

معاذ:- قال الله "والذين جاهدوا فينا لنهدينهم سبلنا وان الله لمع المحسنين"العنكبوت
وقال الله "ومن اظلم ممن ذكر بايات ربه ثم اعرض عنها انا من المجرمين منتقمون" السجده

عبد الله يبكي- ينهار وينهار

تامر:- بس يا معاذ كفاية عيب عليك الواد يموت فايدك
بس يا عبده انا اول مرة اشوفك بتبكى كدة ايه كل دة هتموت نفسك اهدى شوية

عبد الله: انا ربنا بعت لى رسايل كتير قوى وانا اعرضت عنها مع انى فاهم كويس قوووى
وعارف معناها ياما سمعت ويا قريت ويا اتكلم حد امامى وبرده
لدرجة ان الرسايل اصبحت صريحة سمعت الشيخ حسان وهو بيتكلم فى مقطع كامل
عن
قيام الليل وكان الكلام شديد ولكنى لم اتحرك , وربنا قال"فبشر عباد*الذين
يستمعون القول فيتبعون احسنه اولئك الذين هداهم الله واولئك هم اولو
الالباب"
وانا عمال اسمع واشوف ولا بتبع اصلا, والمصيبة ان الناس فكرانى بقوم الليل
وانى صالح وتقى وحتى عندى فى البيت يحسبونى قوام , يعنى انا فى مصيبة كبيرة
وانا عامل زى حته الحجر مفيش حاجة محركانى.
معاذ
بسم الله الرحمن الرحيم"قل سيروا فى الارض فانظروا كيف كان عاقبه الذين من
قبل كان اكثرهم مشركين * فاقم وجهك للدين القيم من قبل ان ياتى يوم لا مرد
له من الله يومئذ يصدعون"الروم
بص للناس الل ماتوا اخدوا ايه؟ وهما فين الان؟ وايه حصل فيهم؟
اعتبر بموتهم وبقصص العذاب وقصص النعيم وقصص حسن الخاتمة
واستقم وتب قبل ان ياتى يوم لا ينفع فيه الندم ولا العودة.

عبد الله انا قلبى مات.

معاذ قال الله جلا وعلا" فانظر الى اثار رحمت الله كيف يحى الارض بعد موتها ان ذلك لمحى الموتى وهو على كل شئ قدير"الروم
واعلم ان الله يحى القلوب بعد موتها.

عبد الله يا معاذ يا معاذ انا ياما نمت وعارف ان ربنا ينادى عبادة للمغفرة
ياما نمت وانا عارف ان دة وقت مينفعش فية غير قيام
انا حاسس وبحس ان ربنا غضب عليه و.....................ينهار باكيا..

معاذ عبده ربنا ارحم الراحمين لا يطرد عبده ولا يقفل فى وجهه باب توبه
فهو ينادى عبده من قريب ويتلقاه من بعديد وقال الله عز وجل "وهو الذى يقبل التوبه عن عباده"
وقال الله جلا وعلا "قل يا عبادى الذين اسرفوا على انفسهم لا تقنطوا من رحمه الله ان الله يغفر الذنوب جميعا انه هو الغفور الرحيم"
يا عبده انت مسمعتش الاحاديث دى؟
يقول الله تبارك وتعالى في الحديث القدسي
(أنا
والأنس والجن في نبا عظيم اخلق ويعبد غيري ارزق ويشكر سوايا ، خيري إلى
العباد نازل و شرهم ألي صاعد أتودد أليهم برحمتي وأنا الغنى عنهم ويتبغضون
ألي بالمعاصي وهم أفقر ما يكونون إلي ,أهل ذكرى أهل مجالستي فمن أراد أن
يجالسني فاليذكرنى أهل طاعتي أهل محبتي أهل معصيتي لا أقنطهم من رحمتي إن
تابوا ألي فانا حبيبهم وان أبوا فانا طبيبهم ابتليهم بالمصائب لأطهرهم من
المعايب الحسنة عندي بعشر أمثالها و أزيَـد والسيئة عندي بمثلها واعفوا و
عزتي وجلالي لو استغفروني منها لغفرتها لهم من اتانى منهم تائبا تلقيته من
بعيد ومن اعرض عنى ناديته من قريب أقول لة أين تذهب ألك رب سواي ألك رب
سواي)
يقول الله تبارك وتعالى في الحديث القدسي
(يا ابن ادم انك ما
دعوتني ورجوتني غفرت لك على ما كان منك ولا أبالى ياابن ادم لو بلغت ذنوبك
عنان السماء ثم استغفرتني غفرت لك يا ابن ادم لولقيتني بقراب الأرض خطايا
ثم لقيتني لا تشرك بي شئ لأتيتك بقرابها مغفرة
· يقول الله تبارك وتعالى في الحديث القدسي
)
أذنب عبدا ذنب فيقول يارب أذنبت ذنبا فاغفرة لي فقال الله علم عبدي أن له
ربا يغفر الذنب ويأخذ بالذنب قد غفرت لعبدي ثم عاد فأذنب ذنبا فقال اى ربى
أذنبت ذنبا فاغفر لي فقال الله علم عبدي أن له ربا يغفر الذنب ويأخذ
بالذنب قد غفرت لعبدي ثم عاد عبدي فأذنب ذنبا فقال يارب أذنبت ذنبا فقال
الله عز وجل علم عبدي أن له ربا يغفر الذنب ويأخذ بالذنب قد غفرت لعبدي
فليفعل عبدي ما شاء)
· يقول الله تبارك وتعالى في الحديث القدسي
(ما غضبت على احد كغضبى على عبدا أتى معصية فتعاظمت عليه في جنب عفوي)
يقول الله تبارك وتعالى في الحديث القدسي
(لما
عصى إبليس الله فقال الله له اخرج من الجنة فقال لة وعزتك وجلالك لأغوينهم
ما دامت أرواحهم في أبدانهم فقال الله عز وجل وعزتي وجلالي لاغفرلهم ما
داموا يستغفرونني(

· يقول الله تبارك وتعالى في الحديث القدسي
(أوحى
الله إلى داود يا داود لو يعلم المدبرين عن شوقي لعودتهم ورغبتي في توبتهم
لذابوا شوقا ألي يا داود هذة رغبتي والمدبرون فكيف محبتي بالمقبلين علي)

عبد الله انا خايف مثبتش على القيام.

معاذ قال الله" والذين جاهدوا فينا لنهدينهم سبلنا"
توكل على الله واعقد النية واعزم وخذ القرار
ثم خذ بالاسباب:
حدد الوقت الذى ستصلى فيه, حدد عدد الركعات, حدد الكم, حدد الكيف.
نم مبكرا , لا تملئ بطنك بالطعام, اظبط المنبه , اتفق مع تامر انكم تصحوا بعض
وتسالوا بعض كل يوم
اسال نفسك كل يوم لماذ اصلى قيام ليل؟

عبد الله انا كل مرة باخد قرار وبمشى شوية وارجع اقع تانى

معاذ وماله؟ كل ما تقع قوم تانى واقف على رجلك
ان كل بنى ادم خطاء وخير الخطائين التوابون
كل ما تقع جدد العهد والتوبة وابدا تانى وكمل

عبد الله جزاك الله خيرا يا معاذ انا اسفة لازعاجك واسف لو كان صوتى على وانا منهار

معاذ عيب عليك يا عبود احنا اخوات وانا بحبك فى الله يا جدع
كلنا محتاج التذكير والنصح

تامر ياه تعبتونى ونكدتو عليه ايه النكد دة ؟
دموع وعياط وفقر
هههههههههههه

عبد الله يضربة ويجرى وراة

معاذ جزاكم الله خيرا اعزائى القراء
ونفعنا الله واياكم بهذا الكلام
وجزاكم الله خير على حسن قرائتكم
وساعطيكم واجب عملى وهو
قيام الليل بركعتين خفيفتين والدعاء يوميا حتى ولو بعد العشاء.
اتفقنا؟

الحمد لله الذى بنعمته تتم الصالحات

اللهم لا تجعلنى جسر يعبر به الى الجنة ثم يلقى فى نار جهنم

اللهم انى اعوذ بك ان اذكرهم بك وانساك

اللهم انى اعوذ بك من ان اكون ممن تسعر بهم النار

اللهم اغفر لى وارحمنى واعفو عنى وعلى طاعتك اعنى.

وصلى اللهم وسلم على سيدنا محمد

والسلام عليكم ورحمة الله.

الحلقة الثانية ( في بيت تامر )

الموضوع الأصلي : سلسلة تامر ومعاذ // المصدر : منتديات فارس أون لاين // الكاتب: Mr:x

Mr:x ; توقيع العضو

لشكاوى العامه اضغط هنا

الابلاغ عن مواضيع مخالفه من هنا

لترشيح لفريق الاشراف اضغط هنا

لمراسلة الادارة و طلبات الدعم اضغط هنا

المعلومات
الكاتب:	Mr:x
اللقب:	مراقــب عام
الرتبه:
الصورة الرمزية

البيانات

عدد المساهمات :	999
نقاط :	89039
التقيم :	6
تاريخ التسجيل :	11/10/2009
الأوسمة :

التوقيت

الإتصالات

الحالة:

وسائل الإتصال:

موضوع: رد: سلسلة تامر ومعاذ

الإثنين أبريل 04, 2011 2:38 am

فى بيت تامر

التلفون يرن فى بيت معاذ

معاذ : السلام عليكم الو
تامر :وعليكم السلام ورحمه الله وبركاته اذيك يا معاذ يا حبيبى عامل ايه؟
معاذ : الحمد لله انا بخير ونعمة
تامر : معاذ انا متصل بيك علشان اعزمك على الغداء
معاذ : الله يعزك يا حبيب قلبى شكرا
تامر : معاذ انت راجل ملتزم وعارف ان حقى كاخوك المسلم انى لما اعزمك
توافق وتقبل ولا هو كلام وبس
معاذ : لا مش كلام وبس , لكن انا مقدرش
علشان اختى دعاء هتقعد لوحدها لو جيت
تامر : وايه المشكلة هات اختك معاك تقعد مع ماما واختى سعاد
هما اصحاب اساسا , ها قلت ايه؟ ملكش حجة؟
معاذ : ماشى يا لمض انا جاى ان شاء الله وجايب اختى معايا
تامر : شكرا يا موزى يا عمرى انك وافقت دا البيت هينور
معاذ : الله يعزك يا تمور
تامر : يلا روح البس وتعالى بسرعة , ما تأخرش .
معاذ : حاضر يا سيدى يلا سلام عليكم
تامر : وعليكم السلام ورحمه الله وبركاته

فى بيت تامر

يدق جرس الباب

تامر : طيب حاضر انا جاى

يفتح تامر الباب

تامر : اهلا اهلا معاذ حبيبى البيت نور يا جدع.

معاذ : الله يعزك يا تامر البيت منور باهله.

الحجة ام تامر : اهلا يا معاذ يا ابني , اتفضلي يا دعاء عاملة ايه يا بنتي ؟

دعاء : الحمد لله , وحشاني جدا يا طنط والله .

الحجة : وانت كمان يا بنتي , عاش من شافك , ما جتيش عندنا من ايام ثانوي .

دعاء
: معلش يا طنط , انا عارفة اني مقصرة في السؤال علي حضرتك وعلى سعاد , لكن
حضرتك عارفة الكلية عايزة وقت ومجهود جامد والواحد مشغول جدا فيها .

الحجة
: ربنا يعينك ويكرمك يا بنتي , تعالي اتفضلي سعاد مستنياكي جوة أصلها لسة
جاية من عند واحدة قريبتنا , وفرحت جدا لما عرفت انك جاية .

وتدخل دعاء عند سعاد

سعاد : دعاء .... ازيك ؟ وحشاني جدا جدا

دعاء : وانت كمان والله وحشاني جدا

سعاد : ما خلاص الكلية فرقت بينا

دعاء :احنا اصحاب ما تقوليش كده ,بلاش كلمة فرقت دي, يمكن بعدتنا الكلية عن بعض شوية لكن ربنا اراد انه يقربنا ويجمعنا تاني

تامر ومعاذ برة قاعدين يتناقشوا في موضوع مهم""

تامر : ايه ده يا معاذ ؟ هي اختك لابسة نقاب ليه ؟ هي مش في سن سعاد اختي ؟ يعني لسة صغيرة !!!!

معاذ : صغيرة !!! وهى اي علاقة الحجاب الاسلامي الشرعي بالسن ؟

تامر : الحجاب الشرعي ؟؟ !! تقصد ايه ؟

معاذ : الحجاب الشرعي اللي ربنا امر بيه امهات المؤمنين رضي الله عنهم ونساء المؤمنين

تامر : فهمني شكله ايه الحجاب الشرعي ده ؟ ايه مواصفاته ؟

اول حاجة مواصفات العباية-معاذ :

انها تكون واسعة من عند الصدر, لا يكون لها وسط, انها تكون اوسع من حجم جسمها بتاع مرة على الاقل خالص, الطول تكون

طويلة بحيث ان رجلها

مش تنكشف(اى قدمها).

َلو

هتلبس جيبة وبلوزة يبقى الجيبة تكون واسعة والبلوزة طويلة وواسعة بحيث ان

البلوزة لا تجعل الجيبة ضيقة ولا تكون قصيرة فينكشف وسط الجيبة

بس احسن لها تلبس عباية اضمن. وطبعا ميكونش فى اى لبس شفاف
تانى حاجة مواصفات الطرحة

انها تكون طويلة جدا بحيث تغطى نصف الجسم

مثلا ولا تكون شفافة .

"وكمل معاذ مع تامر الحوار ووضح له مواصفات الحجاب الشرعي وفضل النقاب

وسبحان الله دعاء وسعاد كمان بيتكلموا في نفس الموضوع"

سعاد : ايه اللى انت لبستيه ده ؟ وليه كده ؟

دعاء : قصدك على النقاب .

سعاد : آه , ليه كده , انت لسة صغيرة .

دعاء : صغيرة ايه بس , احنا كبار وربنا هيحاسبنا على كل حاجة

سعاد : وده ايه علاقته بالنقاب ؟ وبعدين اشمعنى النقاب ؟ انت اساسا لبسك محترم جدا وكمان مش بتلبسي ضيق .

دعاء : ممكن صحيح يكون لبسي كان محترم من وجهة نظرنا , لكنه مش الحجاب الشرعي اللى يرضي ربنا .

سعاد : الحجاب الشرعي !!!!

دعاء : آه , الحجاب الشرعي , انت فاكرة اللى كنت بلبسه ده كان حجاب , لا والله الحجاب برئ منه .

سعاد : وضحي كلامك شوية , ايه هو شكل الحجاب الشرعي ده ؟

دعاء
: الحجاب الشرعي لازم يكون فضفاض وغير شفاف يعني مثلا لو هتلبسي عباية
تكون واسعة من عند الصدر , ومش يكون لها وسط وتكون طويلة بحيث تغطي القدم
, ولو هتلبسي جيبة وبلوزة

يبقى الجيبة تكون واسعة والبلوزة طويلة وواسعة بحيث ان البلوزة لا تجعل الجيبة ضيقة ولا تكون قصيرة فينكشف وسط الجيبة

بس احسن حاجة هي العباية اضمن. وطبعا ميكونش فى اى لبس شفاف.
تانى حاجة مواصفات الطرحة

انها تكون طويلة جدا بحيث تغطى نصف الجسم

مثلا ولا تكون شفافة.

سعاد : بس انا لبسي كويس واحسن من بنات تاني كتير ,صحيح بلبس بدي لكن بلبس طرحة طويلة

دعاء : انت لابسه بدى مبين نصف ذراعك! ولابسه جيبة مبينة حجم جسمك!!!!!

وطرحة طويلة ايه دى !؟ دى طرحة شفافة خفيفة! لاتغنى من جوع
ولابسة كعب عالى !وكمان مش لابسه شراب !
وكمان حاطه كحل! وبودرة !
سعاد :ايه يعنى نصف ذراعي باين يعنى هى جت على الكام سنتى دول؟!!

والجيبة ما حلوة مش لازقة علي , وايه يعنى طرحة خفيفة المهم
انها طويلة ,وبعدين انت مش بتشوفي البنات لابسة ازاى
انا محترمة جدا , وايه يعنى حاطة شوية ميكياج خفيف
خفيف قوى, وحتة كعب على نفسي .

دعاء : ايه الكلام اللى انت بتقولية دة ؟ ليه اساسا تبصي للناس اللى اقل منك ؟ طيب ما تبصي للنا س الاحسن منك ؟

سعاد : يعني اللبس اللى انا لابساه ده حرام ؟؟!!

دعاء : اسمعيالرسول عليه الصلاة والسلام قال ايه

سعاد : عليه الصلاة والسلام .

دعاء : قال

النبى صلى الله عليه وسلم

"صنفان من أهل النار لم أرهما بعد : قوم معهم سياط كأذناب البقر يضربون بها الناس ، ونساء

كاسيات
عاريات، مميلات مائلات ، رؤوسهن كأسنمة البخت المائلة ، لا يدخلن الجنة ،
ولا يجدن ريحها ، وإن ريحها ليوجد من مسيرة كذا وكذا"

وعن أبي هريرة قال من أشراط الساعة أن يظهر الشح والفحش ويؤتمن الخائن ويخون الأمين

وتظهر
ثياب تلبسها نساء كاسيات عاريات ويعلو التحوت الوعول أكذاك يا عبد الله بن
مسعود سمعته من حبي قال نعم ورب الكعبة قلنا وما التحوت قال فسول الرجال
وأهل البيوت الغامضة يرفعون فوق صالحهم والوعول أهل البيت الصالحة.

انت عارفة لو شبر واحد لو سنتى واحد شفاف او موصوف يبقى ينطبق عليكي الحديث , ازاى تعرضي نفسك للحرمان من الجنة؟!
علشان نصف ذراع! وطرحة شفافة؟!

.
سعاد : طيب ايه المحذورات اللى ممكن تهدم حجابي؟
دعاء : سؤال ذكى وجميل جدا , اول حاجة الكعب العالى
ممنوع وبيبوظ حجابك كله.
سعاد : معلش هاقاطعك , ليه الكعب يبوظ حجابي ؟
دعاء : لان الكعب العالى بيعمل صوت تك تك والصوت دة بيلفت النظر
ويخلى الناس تنظر اليكي وهو نوع من انواع الزينة.
وربنا جلا وعلا قال

"وَقُل
لِّلۡمُؤۡمِنَاتِ يَغۡضُضۡنَ مِنۡ أَبۡصَارِهِنَّ وَيَحۡفَظۡن
َفُرُوجَهُنَّ وَلَا يُبۡدِينَ زِينَتَهُنَّ إِلَّا مَا ظَهَرَ مِنۡهَا
وَلۡيَضۡرِبۡنَ بِخُمُرِهِنَّ عَلَىٰ جُيُوبِهِنَّ وَلَا يُبۡدِين
َزِينَتَهُنَّ إِلَّا لِبُعُولَتِهِنَّ أَوۡ آبَآئِهِنَّ أَوۡ آبَآءِ
بُعُولَتِهِنَّ أَوۡ أَبۡنَآئِهِنَّ أَوۡ أَبۡنَآءِ بُعُولَتِهِنَّ
أَوۡإِخۡوَانِهِنَّ أَوۡ بَنِى إِخۡوَانِهِنَّ أَوۡ بَنِى أَخَوَاتِهِنَّ
أَوۡنِسَآئِهِنَّ أَوۡ مَا مَلَكَتۡ أَيۡمَانُهُنَّ أَوِ التَّابِعِينَ
غَيۡرِأُوۡلِى الۡإِرۡبَةِ مِنَ الرِّجَالِ أَوِ الطِّفۡلِ الَّذِينَ لَم ۡ

يَظۡهَرُوا عَلَىٰ

عَوۡرَاتِ النِّسَآء

وَلا يَضۡرِبۡنَ بِأَرۡجُلِهِن َّلِيُعۡلَمَ مَا يُخۡفِينَ مِن

زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الۡمُؤۡمِنُونَ لَعَلَّكُمۡ تُفۡلِحُونَ"

سعاد : ماشى كملي , تانى حاجة؟
دعاء : تانى حاجة هى البرفان "دة حرام" لو حد شم ريحتك كانك زانية والعياذ بالله .
تالت حاجة هى المكياج_ لا تقولى خفيف ولا تقيل لا تقولى باين ولا مش باين
لو هو مش باين حطاه ليه اصلا, لا تقولى كحل ولا منيكير
اسمعي قول الله تعالى

:"وَالۡقَوَاعِدُ مِنَ النِّسَآء الَّاتِى َلا يَرۡجُونَ نِكَاحًا فَلَيۡسَ عَلَيۡهِنَّ جُنَاحٌ أَن يَضَعۡنَ ثِيَابَهُنَّ

غَيۡرَ مُتَبَرِّجَاتٍ بِزِينَةٍ

وَأَن يَسۡتَعۡفِفۡنَ خَيۡرٌ لَّهُنَّ وَاللَّهُ سَمِيعٌ عَلِيمٌ"

قال ابن مسعود

[في قوله]

:

(فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ)

قال:الجلباب، أو الرداء:وكذا رُوي عن ابن عباس، وابن عمر، ومجاهد، وسعيد

بن جبير، وأبي الشعثاء وإبراهيم النَّخَعِيّ، والحسن، وقتادة، والزهري،والأوزاعي، وغيرهم.

وقال أبو صالح:تضع الجلباب، وتقوم بين يدي الرجل في الدرع والخمار.
وقال سعيد بن جُبَيْر وغيره، في قراءة عبد الله بن مسعود

:

« أن يضعن من ثيابهن »

وهو الجلباب من فوق الخمار فلا بأس أن يضعن عند غريب أو غيره، بعد أن يكون عليها خمار صَفيق.

وقال سعيد بن جبير

:

(غَيْرَ مُتَبَرِّجَاتٍ بِزِينَةٍ)

.يقول:لا يتبرجن بوضع الجلباب، أن يرى ما عليها من الزينة

وقال ابن أبي حاتم:حدثنا أبي، حدثنا هشام بن عبيد الله، حدثنا ابن المبارك،

[حدثني سَوَّار بن ميمون، حدثتنا طلحة بنت عاصم، عن أم المصاعن، عن عائشة، رضي الله عنها، أنها قالت:دخلت عليّ

] فقلت:يا أم المؤمنين، ما تقولين في الخضاب، والنفاض، والصباغ، والقُرطين،

والخلخال، وخاتم الذهب، وثياب الرقاق؟ فقالت:يا معشر النساء، قصتكن كلها

واحدة، أحل الله لكن الزينة غير متبرجات. أي:لا يحلّ لكنّ أن يَرَوْا منكن محرما .

اذا كانت اخف الزينة محرمة على العجوز الكبيرة فى السن التى لا يثير الفتن

فهل هى محللة لفتاة صغيرة فى السن تثير الفتنة؟!!!!
سعاد : عندك حق, لا انا

لازم اغير لبسي , واظبطه على المواصفات دي ,

انا بس مكنتش اعرف ان ده حرام .

دعاء : ايه رأيك تلبسي نقاب؟

سعاد : نقاب؟!!!!!!!!!
دعاء : ايوة نقاب .

تسمع سعاد هذا الكلام فتصمت قليلا

سعاد : انت بتقولى انى انا البس نقاب؟

دعاء : ايوة.
سعاد : نقاب مرة واحدة؟!!!
دعاء : ايوة .
سعاد : والبسة ليه؟!!!
دعاء : علشان اسباب كتيرة؟
سعاد : ايه هى؟
دعاء : رقم واحد لانه ممكن يكون فرض. خدى اقرى الورقة دى

سعاد تقرأ الورقة

دعاء : لو كان فرض وانت لبستية تبقى كسبانة. ولو كان فرض وانت مش لبستية
تبقى انتى الخسرانة خصوصا وان ربنا جعلك تقرى عنه وسمعك عنه وعلمك عنه
سعاد : ماشى, ايه تانى سبب ممكن علشانة البس نقاب؟
دعاء : نصرة لامك وستك عائشة رضى الله عنها وارضاها .

سعاد : ازاى لبسى للنقاب يكون نصرة ليها؟
دعاء : بانك تكونى عائشة فى مظهرها ولبسها ونقابها ثم تقلديها فى اخلاقها
مش دة نصرة ليها؟
سعاد : ايوة كملى .
دعاء : تالت سبب علشان تحشرى مع امك عائشة رضى الله عنها ومع الصحابيات
لان من احب قوم حشر معهم, ومن تشبه بقوم فهو منهم. فحبك ليهم بلبسك للنقاب وتقليدك ليهم بلبسك للنقاب فباذن الله تحشرى معاهم.
سعاد : كويس, ايه تانى؟
دعاء : علشان تتركى كل زينة وكل شهوة زينة من أجل الله
ومن ترك شئ لله عوضة الله خيرا منه فاحتسبى أن يعوضكى الله من زينة وثياب الجنة
سعاد : امين يارب.
دعاء : واخر حاجة فى بالى هى انك تاخدية حجاب عن النار
وتحتسبى ان يحجب الله وجهك عن النار كما حجبتية عن الرجال.
سعاد : كلامك مقنع جدا , وانا اقتنعت بالنقاب لكن مينفعش البسة الان.
دعاء : ليه؟!!
سعاد : مينفعش كده خبط لزق البس نقاب,
الاول اوسع لبسى وبعدين يوم ما افترى البس خمار
لكن اول ما البس البس نقاب صعب وبعدين انا فى حاجات كتير فى حياتى عاوزة تتظبط الاول عاوزة أتوب واغير حياتى الاول وبعدين النقاب,
دا انا حتى يا دوب بصلى الفرض بالعافية وكمان بسرح.
دعاء : لو انتى ماشية فى شارع مكسر وفى مطبات كتير وحفر ومش متساوى
هتعرفى تمشى فيه؟
سعاد : لا , طبعا .
دعاء : مش لازم يجى بلدوزر ويساوى الارض ويخليها كلها فى سوى واحد؟
سعاد : ايوة.
دعاء : طيب لما يحصل كدة يبقى ايه حالك وانت ماشية؟
سعاد : الشارع هيبقى جميل وسهل وهامشى بسرعة ومرتاحة.

دعاء
: حياتك هى الشارع دة والنقاب هو البلدوزر اللى هيساوى حياتك ويمهدها
للاصلاح علشان لما تيجى تصلحى كل اللى انت عوزاة يبقى سهل وهين.
والنقاب طاعة غير أى طاعة تانى
لانها جهاد ساعة وصبر سنين وثبات سنين ,
اما اغلب الطاعات فهى جهاد سنوات وصبر ساعات.
سعاد : يعنى ايه؟
دعاء : يعنى مثلا قيام الليل لازم

تجاهدى نفسك كل يوم علشان تقومى تصلى انما وقت الطاعة نفسة قصير مجرد ساعات

.بتصبرى فيها على صلاة القيام

لكن النقاب هى ساعة واحدة تقفى فيها مع نفسك وتجاهديها وتاخدى القرار وتلبسية وخلاص تصبرى عليه وتثبتى عليه, ودى ميزة حلوة.
سعاد : ما انا ممكن اخلعة.
دعاء : الاستهتار دة مصيبة , لو خلعتية دى كارثة ,
انت فكراه لعبة , ولا خاتم تلبسية وقت ما تحبى وتخلعية بكل بساطة
انت ازاى تتكلمى كده اصلا؟
انت بمجرد لبسك ليه اصبح فرض عليك ومينفعش يتخلع نهائى
وخلعك لية معصية وذنب واثم يتطلب توبة وشروط التوبة الاقلاع عن الذنب
يعنى علشان تتوبى من الذنب دة لازم ترجعى تلبسية تانى.
سعاد : انا بتناقش بس علشان افهم, انا مش قصدى انى هاخلعة.

دعاء : انا آسفة اني اتعصبت عليكي .

سعاد : لا عادي ولا يهمك , أنا مش زعلانة ,كملي .
دعاء : النقاب هيبعد عنك الاختلاط ويخلى

الشباب يبعدوا عنك فى النظر والمضايقات والتفكير ولو هتعملى معصية هيخليكى

تستحى تعمليها امام حد من الناس ومسيرك هتوبى منها , غير انه هيغير حياتك

.لانك اصبحتى منتقبة

سعاد : بصراحة انا اقتنعت والكلام ملهوش رد بس صعب القرار.
دعاء : قال الله تعالى

"إِنَّ اللّهَ اشۡتَرَى مِنَ الۡمُؤۡمِنِينَ أَنفُسَهُمۡ وَأَمۡوَالَهُم بِأَنَّ لَهُمُ الجَنَّةَ

يُقَاتِلُونَ
فِى سَبِيلِ اللّهِ فَيَقۡتُلُونَ وَيُقۡتَلُونَ وَعۡدًا عَلَيۡهِ حَقًّا
فِى التَّوۡرَاةِ وَالإِنجِيل ِوَالۡقُرۡآنِ وَمَنۡ أَوۡفَى بِعَهۡدِهِ
مِنَ اللّهِ فَاسۡتَبۡشِرُوا۟ بِبَيۡعِكُمُ الَّذِى بَايَعۡتُم بِهِ
وَذَلِكَ هُوَ الۡفَوۡزُ الۡعَظِيمُ"

ها تبيعى؟
سعاد : سكتت.........سرحت............دمعت..........ثم قالت:
أبيع ان شاء الله .

دعاء : ربح البيع ان شاء الله.يلا اندهي على طنط علشان تقوليلها .

سعاد : بس ماما احتمال ما ترفض .

دعاء : اصدقي الله يصدقك , اندهي عليها وربنا ييسر ان شاء الله .

سعاد : ماما ... ماما.

الحجة: ايوة يا سعاد .. عايزة حاجة .

سعاد : ايوة يا ماما , عاوزاكي .

الحجة: اخلص اللى في ايدي وجاية .

............................

الحجة : ايوة يا سعاد , فيه ايه ؟

سعاد : عايزة اخد رايك في حاجة ؟

الحجة: خير يا بنتي .

سعاد : خير ان شاء الله يا ماما , ماما انا عايزة البس نقاب .

الحجة : نقاب ايه , انت اتجننتي , انت لسة صغيرة , لما تتجوزي ابقي البسي اللى انت عاوزة تلبسيه .

دعاء: ليه يا طنط , يعني هو النقاب ممكن يمنع الجواز , ده بالعكس انا شايفة انه بيسهله اكتر .

الحجة: ازاي بقى ؟!!!

دعاء: دالوقتي انت اكيد نفسك ان بنتك تتجوز انسان ملتزم دينيا واخلاقيا , علشان يصونها ويحافظ عليها .

الحجة: أكيد يا بنتي , ده حلم كل أم انها تجوز بنتها للانسان اللى يحافظ عليها .

دعاء
: طيب الملتزم ده لما يحب يتقدم لواحدة اكيد هيتقدم لواحدة ملتزمة , وكمان
البنات اللى بيلبسوا البنطلونات والبديهات وبيحطوا مكياج معظمهم بيتجوزوا
كبار في السن , وكل اللى بيعملوه مش بينفع

لأن ببساطة الجواز ده رزق وربنا كتبلنا رزقنا من قبل ما نتولد

,كمان في حاجة تاني مش ربنا بيمنع الرزق بسبب الذنوب والمعاصي ,

يعني
ممكن بنات كتير بسبب تبرجها وعدم التزامها بالزي الشرعي بحجة انها لما
تتجوز تبقى تظبط لبسها ,ربنا ممكن يحرمها من النعمة والرزق ده بسبب تبرجها
.

الحجة : بس سعاد لبسها كويس وكمان بتلبس طرحة كبيرة .

دعاء : بس مش هو ده الحجاب الشرعي اللى ربنا امرنا بيه .

وبدأت دعاء توضح للحجة مواصفات الحجاب الشرعي وفضل النقاب

كمان سعاد بدأت تقول لمامتها على الكلام اللى قرته في الورقة .

الحجة : انا مكنتش اعرف كل كلامكم ده , انا مكنتش اعرف ان ده حرام.

خلاص
يا سعاد يا بنتي البسي اللى انتي عاوزاه , انا ما كنتش برفض انك تلبسي لبس
كان ممكن يدخلك النار والعياذ بالله , يبقى ارفض انك تلبسي اللبس اللى
ممكن يكون سبب نجاتك من النار , توكلي على الله يا بنتي وخدي كمان الفلوس
دي انزلي اشتري العباية والنقاب النهاردة واشتري ليه انا كمان واحد ,
ونلبسه احنا الاتنين ونشجع بعض .

سعاد : بجد يا ماما , ربنا يخليكي ليه يا ست الكل .

وتحضن سعاد مامتها ويبكوا كلهم .

سعاد : بس تامر يا ماما , مش ممكن يرفض اني البس نقاب .

الحجة : انا هاخرج دالوقتي أقوله , وفرصة معاذ موجود معاه علشان يقنعه معايا .

الحجة تخرج وتقول لتامر ان سعاد هتلبس النقاب

وكان رد فعله مفاجئة غير متوقعة

تامر
: وماله يا ماما , ياريت والله , معاذ كان لسه بيكلمني عن الحجاب الشرعي
وفضل النقاب , وانا كنت هاقول لسعاد علشان تغير لبسها , وبصراحة كنت خايف
احسن ترفض , لكن الحمد لله , ربنا يشرح صدرها ويثبتها ويجعلها من اهل
الجنة .

الحجة : آمين.

تامر : انا هانزل
دالوقتي اجبلها نقاب وعباية على ما حضرتك تجهزي الغدا , ممكن تيجي معايا
يا معاذ علشان انا ما اعرفش مكان اشتري منه ؟

معاذ : انت بتستأذن ! طبعا هاجي معاك , خير البر عاجله, والعجلة فى الطاعة احسن شئ.

ونزل معاذ وتامر يشتروا نقاب لسعاد ومامتها

الموضوع الأصلي : سلسلة تامر ومعاذ // المصدر : منتديات فارس أون لاين // الكاتب: Mr:x

Mr:x ; توقيع العضو

سلسلة تامر ومعاذ

مواضيع مماثلة

» سلسلة تامر ومعاذ
» أول مرة تامر حسني فيديو ( ما أكثر شيء بيشغل بالك يا تامر ؟ )
» صور تامر حسنى بالسجن
» اسطوانة سلسلة الحقوق..للدكتور عمر عبد الكافي
» Acer تكشف النقاب عن سلسلة V3 الجديدة

إضافة/ تعديل الكلمات الدليلية

الكلمات الدليلية (Tags)

لا يوجد

الــرد الســـريـع

هام جداً: قوانين المساهمة في المواضيع. انقر هنا للمعاينة

الرد السريع

خــدمات المـوضـوع

كلمات دليليه	سلسلة تامر ومعاذ , سلسلة تامر ومعاذ , سلسلة تامر ومعاذ , سلسلة تامر ومعاذ , سلسلة تامر ومعاذ , سلسلة تامر ومعاذ
رابط الموضوع
BBCode
HTMLcode

إذا وجدت وصلات لاتعمل في الموضوع او أن الموضوع [ سلسلة تامر ومعاذ ] مخالف ,, من فضلك راسل الإدارة من هنا

«الموضوع السابق|الموضوع التالي»

سلسلة تامر ومعاذ

مواضيع مماثلة

مواضيع مماثلة

مواضيع ذات صلة